Update -i ri ju jep mundësinë të luani lojërat në Playstation 4 nga iPhone-i juaj
Update-i më i fundit në PlayStation 4 është lançuar tanimë dhe ai sjell një veçori mjaft interesante: përdoruesit e iOS mund të përdorin iPhone-t dhe iPad-et e tyre për të luajtur lojërat e PS4 duke përdorur Remote Play.
Version 6.50 është një update i detyruar prej 442 MB. Ai sjell Remote Play në iOS, për të cilin ju duhet të shkarkoni aplikacionin PS4 Remote Play nga App Store i Apple. Vetë aplikacioni mund të përdoret me shumicën e lojërave në PS4, duke shfaqur në pajisjen tuaj iOS butona dhe joystick-e virtualë, por gjithashtu mund të përdorni dhe një levë me bluetooth për t’a kontrolluar lojën.
Ndër të tjera, update-i 6.50 i cili më parë u lançua në beta, i jep mundësinë lojtarëve të disa territorëve të ndryshojnë funksionin e butonave X dhe rrethor, por përveç kësaj pati shumë pak ndryshime të tjera.
Remote Play ishte një prej veçorive më të vlerësuara të PS4 kur konsola u lançua në 2013, ndërkohë që PS Vita ishte lançuar më herët. Që prej asaj kohe, veçoria, e cila teorikisht ju lejon të luani lojërat e PS4 tuaj kudo në botë, është përhapur në telefonat Sony Xperia, PC dhe Mac.
Lojtarët e PS4 gjithashtu kanë mundësi të marrin Call of Duty: Modern Warfare Remastered dhe The Witness falas me anë të PlayStation Plus.
