Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një tjetër gjigand i rrjeteve sociale do të provojë të hyjë në këtë industri
Edhe pse Snapchat ka qënë në rënie të vazhdueshme gjatë vitit të kaluar, kompania mëmë e saj, Snap Inc, vazhdon të zgjerojë axhendën e saj. Pak ditë më parë, kompania deklaroi se do të niste integrimin e gaming në Snapchat nëpërmjet Snap Games. Ky dyqan mund të aksesohet brenda aplikacionit nëpërmjet Chat bar. Në të mund të luhen lojra dhe të flitet me miqtë tuaj në të njëjtën kohë. Nuk ka nevojë që lojërat të instalohen në veçanti. Disa prej lojërave që mund të luani janë:
- Bitmoji Party
- Tiny Royale – Zynga
- Snake Squad – Game Closure,
- C.A.T.S. Drift Race – ZeptoLab
- Zombie Rescue Squad – PikPok
- Alphabear Hustle – Spry Fox
Snap Inc ka tentuar të bëhet pjesë e hapsirës së gaming në mobile për disa kohë. Kohët e fundit, Tencent ka arritur të blejë 12% të aksioneve të kompanisë, një pjesë mjaft e madhe. Tencent është një prej emrave më të mëdhenj në këtë industri, duke pasur në pronësi të saj lojëra si PUBG Mobile, që tashmë ka një abonim mujor. Duke parë madhësinë e Snapchat dhe ekspertizën e Tencent në këtë fushë, Snap Inc ka një mundësi mjaft të mirë për të lënë shenjën e saj në treg.
Snap Inc gjithashtu ka bërë pjesë të saj kompaninë britanike PlayCanvas, që njihet më së shumti për engine-in e përdorur në disa lojëra në Facebook dhe në browser. Ky engine gjithashtu mund të përdoret për eksperienca VR në browser dhe bazohet në HTML 5 dhe WebGL.
Hapësira e gaming në mobile është një fushëbetejë e vërtetë dhe pritet që kjo betejë të nxehet akoma më shumë me futjen e Snap Inc në lojë. Me përfshirjen e Tencent, mund të themi me siguri se shumë tituj do të bëhen pjesë e platformës së Snapchat.
