Si të përdorni Bouncer për t’u futur brenda kutive të kundërshtarit

Një trick mjaft interesant është zbuluar me Bouncers në Fortnite

Rikthimi i Bouncer në 25 shtator në patch v10.40 të Fortnite i ka shtyrë lojtarët të gjejnë përdorime kreative dhe efektive për përdorimin e tyre.

Një përdoures i Reddit ka zbuluar se nëse një lojtar vendos një Bouncer në tokë me një ramp mbi të ngjitur me një kuti të kundërshtarit, lojtari kërcen lart dhe në të djathtë, duke patur mundësi të futet në kutinë e kundërshtarit me lehtësi. Lojtari megjithatë duhet që gjatë gjithë kohës të jetë duke përdorur Pickaxe për të hyrë brenda.

Rampa e shtyn lojtarin në një drejtim ndërkohë që lojtari qëndron mbi Bouncer të vendosur në tokë. Kjo është një teknikë mjaft e dobishme sidomos në një situatë kompetitive, ku turtling është një strategji mjaft e përdodur.

Në këtë klip, kundërshtari mund të shihet duke u munduar të vendosë sërish murin që u thye, por për shkak të kërcimit të shpejtë me Bouncer, tentativa e tij nuk ka aspak efekt.

Lojtarët duhet të jenë të shpejtë duke pasur parasysh faktin se Bouncers janë të rrallë dhe mund të gjenden vetëm në treshe. Kjo teknikë mund të jetë shumë e dobishme në fillim të lojës, pasi lojtari duhet të ketë pak hapsirë, por dhe të jetë i mbrojtur.

Bouncers janë platforma drejtuese që mund të vendosen në tokë ose në mure dhe i shtyjnë lojtarët dhe automjetet kur aktivizohen. Bouncers i shtyjnë lojtarët në drejtimin e kundërt nga ku janë vendosur, pra një Bouncer në tokë i hedh lojtarët lart. Kur një lojtar është në qiell, ai nuk merr fall damage për shkak se Bouncers japin të njëjtin efekt si hop rocks.

Bouncers janë shumë të dobishëm në Fortnite për shkak të efekteve të tyre. Për fansat e Fortnite, shpresojmë që ato të vazhdojnë të jenë pjesë e lojës me ardhjen e Season 11.