PUBG pati $1 miliard fitime vitin e shkuar, pa përfshirë këtu mobile

Pikërisht në momentin që Apex Legends është në rënie, zhanra e battle royale-it e vërteton veten që vazhdon të qëndrojë në krye dhe këtë arriti ta bëjë pikërisht me PUBG. Kjo e fundit ka mbledhur $920 milion gjatë vitit 2018.

PUBG Mobile nga ana tjetër duket si një pikë uji në oqean me vetëm $65 milion fitime. Kjo ndoshta sepse loja është falas në këtë format dhe nuk gjeneron kaq shumë fitime sa versionet e saj në platforma të tjera.

Ja vlen të përmendim se tregu aziatik ka një peshë të madhe në shifrat e shitjes së PUBG. Përkatësisht 53 % të fitime vijnë nga aty. Në botën perëndimore pastaj loja është eklipsuar pak nga Fortnite.

Aq shumë sukses ka patur loja sa, siç mund edhe ta dini, në shumë vende është ndaluar me ligj dhe ka sjellë madje edhe arrestime të njerëzve që e kanë luajtur.

Gjithsesi PUBG është në vend super të mirë për momentin dhe realisht edhe ne na bëhet qefi për këtë të fundit. Mbi të gjitha kur marrim parasysh periudhën e përkohshme të rënies që ajo pati dhe mënyrën se si ia doli më së miri të kthehet sërish në majë.