PUBG Mobile është një nga lojërat battle royale më të mëdha në platformën e mobile dhe e ka vërtetuar veten vazhdimisht si një lojë e shkëlqyer përgjatë viteve të fundit.
Para pak muajsh dolën disa raportime që sugjeronin se një vazhdim i PUBG Mobile ishte në punë e sipër.
Një dataminer i njohur së fundmi i hodhi edhe më shumë benzinë zjarrit, kur deklaroi se njoftimi i lojës së re ishte shumë pranë nesh. Si duket ai kishte të drejtë pasi Krafton sot postoi trailerin për PUBG Mobile New State.
Para regjistrimet për lojën tashmë kanë filluar në Google Play Store, ndërkohë që pre-orders në App Store pritet të fillojnë në një datë më të vonë.
PUBG Mobile New State do të vendoset në vitin 2051 dhe do të ketë harta 8×8 me shumë lloje të ndryshme automjetesh dhe makinerish si: drona, combat rolls etj. Përtej kësaj loja pritet të sjellë grafika dhe gameplay ultra-realistik.
Njoftimi për PUBG Mobile New State lexon:
“Në 2021 do të vijë PUBG: New State. Loja do të ketë eksperiencën battle royale më realistike që do të gjeni në mobile. Lojtarët do të mund eksplorojnë një hartë të re që zgjeron më shumë lore-in e lojës, do të provojnë grafika që shtyjnë limitet e mobile gaming dhe do të mjeshtërojnë gameplay-in më dinamik në treg.”
Sipas website-it zyrtar lojtarët do të marrin një Limited Vehicle Skin si një reward ekskluziv nëse bëjnë lojën pre-order.
Ju mund të ndiqni hapat e mëposhtme për t’u regjistruar paraprakisht për PUBG Mobile New State.
Hapi 1: Vizitoni Google Play Store në faqen e PUBG Mobile New State. Mund të përdorni këtë link.
Hapi 2: Më pas shtypni butonin “Pre-register”. Një pop-up do të dalë që do ju kërkojë të konfirmoni regjistrimin.
Hapi 3: Lojtarët më pas duhet të shtypin OK. Nëse doni të shkarkoni lojën pasi të jetë e disponueshme, mund të klikoni edhe në opsionin e: “Install when available”.