Among Us ka arritur shifra të larta shikueshmëri në Twitch duke u bërë loja më popullore e momentit, por ku tjetër po dominon kjo lojë?
Among Us ka arritur shifra të larta shikueshmëri në Twitch duke u bërë loja më popullore e momentit, por ku tjetër po dominon kjo lojë?
Among Us mund të quhet tashmë si një prej lojërave më të mëdha të vitit dhe falë disa raporteve dhe informacioneve nga Sensor Tower ne tashmë dimë akoma më shumë rreth popullaritetit të kësaj loje. Sipas këtyre raporteve dhe informacioneve, Among Us është një prej aplikacioneve më të shkarkuara në mobile, si në Google Play po ashtu edhe në App Store.
Gjithashtu zbuluam se gjatë Q3 2020(korrik, gusht, shtator) loja ka kaluar më shumë se 100 milion shkarkime në platformat mobile duke kaluar My Talking Tom Friends që kishte afërsisht 68 milion shkarkime gjatë të njëjtës periudhë. Among Us ka fituar popullaritet të madh dhe mesa duket ky popullaritet do të vazhdojë akoma edhe për disa kohë. Ndërkohë në PC ku kushton 4.99 €, loja renditet e katërta pas CS:GO, Dota 2 dhe PUBG.
Among Us në Twitch ka patur një sukses të madh duke arritur 650 % në orë të shikuara nga muaji korrik në muajin gusht. Gjithashtu ky popullaritet i madh ka ndikuar edhe në platforma të tjera si Discord, i cili së fundmi ka patur një rritje të madhe shkarkimesh pasi Discord mund të përdoret për të komunikuar më lehtë me miqtë tuaj gjatë lojës.