Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Sipas tij, ky sezon do të jetë “mesatar“
Lançimi i Fortnite Chapter 2, së bashku me hartën e re, i entuziazmoi shumë fansat e lojës battle royale, duke i bërë ata të mendojnë se e ardhmja do të ketë shumë surpriza. Megjithatë, gjërat nuk kanë shkuar sipas planeve.
Sezoni më i gjatë deri më tani në lojë nuk ka sjellë në lojë aq gjëra sa pritej, pavarësisht kalimit në një engine të ri dhe ngjallja e shpresës nga lojtarë si Ninja, të cilët kanë thënë më herët se prisnin shumë në të ardhmen.
Gjatë një prej stream-eve të tij, Ninja foli sërish për engine-in e ri dhe se çfarë kjo do të thotë për sezonin e ri. Pavarësisht shpresave të tij të shumëta në fillim, Ninja duket se i ka ulur pritshmëritë.
Pas ardhjes së engine-it të ri, tashmë ne po e luajmë dhe unë mendoj se sezoni i ardhshëm do të jetë shumë mesatar, pra nuk do të jetë aq fantastik sa presin njerëzit. Nuk e di fare se çfarë plani ka Epic për sezonin e ri, pasi ata i kanë privuar lojtarët nga informacioni që ata merrnin në të shkuarën nëpërmjet ndryshimeve dhe update-ve të shumëta. Nuk ja kam idenë farë se çfarë do të bëjnë. Me çfarë kam kuptuar deri tani, nuk besoj se do të ndodhë diçka e madhe, nuk do të ketë ndryshime në hartë. Epic nuk e ka ndryshuar një hartë për sezonin e ri në mënyrë të menjëhershme, pasi zakonisht ka gjëra që ndodhin gjatë sezonit që sjellin një ndryshim të madh. Tani, është në dorën e tyre të provojnë se unë e kam gabim. Ky sezon i ri do të jetë shumë i rëndësishëm, pasi ata duhet të sigurohen që ai të jetë fantastik
Lojtarëve të Fortnite nuk do t’iu duhet të presin edhe shumë, pasi Fortnite Chapter 2 Season 2 do të nisë në 20 shkurt.
