Ninja dëshiron rikthimin e një arme të vjetër në Fortnite

Ai thotë se kjo armë do të ndihmonte kundër lojtarëve me controllers

Streamer-i i Fortnite Ninja ka dhënë një zgjidhje për problemin e aim assist në battle royale, duke mos kërkuar një nerf të kësaj veçorie, por një armë të mirë për ta bërë counter në PC.

Streamer-i popullor i cili bën stream në kanalin e tij në Mixer e ka kritikuar vazhdimisht sezonin e parë të Chapter 2 të Fortnite në lidhje me bugs, problemet në lojë dhe më shumë.

Megjithatë, pasi një numër i madh lojtarësh në PC vendosën të përdorin controllers në vend të mouse dhe keyboard për të përdorur në avantazhin e tyre aim assist, Ninja i ka sugjeruar një zgjidhje Epic Games të cilën ata mund ta marrin në konsideratë për Season 2.

Gjatë stream-it, Ninja foli për rikthimin e Infantry Rifle në lojë, pasi arma u hoq në fillim të Chapter 2. Ai tha se rikthimi i armës do të arrinte të zgjidhte disa prej problemve që po hasnin lojtarët në PC.

“Arsyeja kryesore pse arma duhet të rikthehet në lojë është sepse ajo bën counter në mënyrë direkte lojtarët me aim assist dhe console që detyrohen të bëjnë zoom in.“

Ai më pas vazhdoi: “E kam gabim? A po tregohem i keq që po e them këtë? Lojtarëve të PC iu duhet një armë e cila varet plotësisht nga shënjestra për të luajtur kundra lojtarëve me aim assist që luajnë në PC dhe përdorin aim assist. Nuk po kërkoj që aim assist të bëhet nerf.”

“Ishte e vetmja armë që kërkonte vërtet aftësi me mouse. Që të mund të luajmë kundër lojtarëve me controllers në PC, na duhet një Infantry Rifle i ri.”

Nuk dihet nëse Epic Games do të vendosë të bëjë unvault Infantry Rifle ose të sjellë në lojë një armë të ngjashme në Chapter 2 të Fortnite.