Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
I dizenjuar nga një prej themeluesve të CD Projekt Red, telefoni mban deri në 14 ditë bateri.
Teksa pjesa tjetër e CD Projekt Red është e zënë me Cyberpunk 2077, një nga themeluesit e kompanisë, Michal Kiciński është duke sjellë një telefon minimalist në Kickstarter. I quajtur Mudita Pure, paisja është e disponueshme për pre-order që dot dhe slogani i saj është që të “përmirësojë mirëqënien tuaj”, duke lënë pas dore aplikacionet, ekranet LCD, lojërat, internetin dhe shumicën e veçorive që mund të gjesh në një telefon normal të ditëve të sotme.
Mudita Pure ka një ekran 2.84 inch E-Ink, një modul GSM, Mudita OS e saj, opsionin tethering, një speaker, një music player për këtë speaker dhe një bateri që zgjat deri në 14 ditë. Një veçori tjetër e veçantë e Medita Pure është ‘meditation timer‘ ose më saktë thjesht një timer normal që do të sigurohet që të mos humbni kurrë një seancë yoga.
Telefoni është ndërtuar në një mënyrë të tillë që të sigurojë që të qëndroni offline kur nuk doni të shqetësoheni, por mund të kalojë nga ‘connected’ në ‘do not disturb’ në ‘offline’. Në dimensionime telefoni e gjen veten në 14 x 1.4 x 5.9cm dhe ka një dizajn super të thjeshtë.
“Ne mbingarkohemi çdo ditë me informacione,” shprehet Kiciński, “Po bëhet gjithmonë e më e vështirë për të gjetur paqen e brendshme. Ne besojmë se Mudita Pure gjithashtu mund të përdoret si një telefon i dytë për të na ndihmuar që të shkëputemi gjatë mbrëmjeve ose pushimeve me të dashurit tanë.”
Zhvillimi i këtij telefoni nisi kur Kiciński zbuloi meditimin Vipassana (një praktikë e bazuar në frymëmarrjen dhe reflektimin e brendshëm), gjatë së cilës ndjeu një rritje në sensitivitetin ndaj rrezatimit elektromagnetik. Kjo i solli atij idenë e të krijuarit të një telefoni me SAR më të ulët të mundshme.
Mudita Pure mund të blihet që tani në Kickstarter për $221, një ulje kjo nga çmimi origjinal prej $369. Po ta mendosh ideja e këtij telefoni nuk është edhe aq e keqe, ndaj na mbetet të shohim se si do të përballet me tregun e përdoruesve.
