Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Activision Blizzard, një nga zhvilluesit më të mëdhenj të lojërave ‘third-party’, i njohur për ndikimin në lojërat për PC dhe konsolë, sapo ka zbuluar se platforma e tyre më e madhe është mobile
Raporti i fundit i fitimeve erdhi me një lajm interesant për kompaninë që njihet për goditje masive dhe dështime pa kuptim. Gjigandi për Console dhe PC papritmas është forcuar në një front të ri, më specifikisht, në lojërat për smartphones.
Aspekti më i dukshëm i raportit të Activision Blizzard është për tre muajt që çojnë deri më 31 Dhjetor 2019, dhe tregon që platforma e mobile ka kapërcyer si PC, ashtu edhe konsolat. Platforma mobile solli të ardhura prej 633 milion dollarë. Ndërkohë, të ardhurat nga konsolat ishin 595 milion dollarë dhe të ardhurat nga PC ishin 521 milion dollarë.
Fitimet e konsolave kanë parë një rënie masive, nga të ardhurat prej 808 milion dollarë në 2018 në 595 milion dollarë në 2019 për të njëjtën periudhë, një diferencë prej 213 milion dollarësh. PC-të kishin një diferencë prej 206 milion dollarë. Mobile ishte e vetmja platformë që pati një rritje të konsiderueshme, me plot 37 milion dollarë. Kjo mund të jetë pjesërisht falë suksesit të Call of Duty: Mobile. Loja ka qenë jashtëzakonisht e suksesshme deri më tani dhe pa dyshim që Activision Blizzard planifikon të shtyjë Call of Duty: Mobile në lartësi të reja duke avancuar gjithnjë e më shumë.
Një nga aspektet interesante të këtij fenomeni është se që nga bashkimi i Activision me Blizzard, ky zhvillues në dukje ka qenë në gjendje të zotërojë një pjesë të konsolave dhe tregut të PC kur bëhet fjalë për publikimin e lojërave. Activision kishte seritë si Call of Duty, 007 dhe Tony Hawk, ndërsa Blizzard kishte lojëra si World of Warcraft, Starcraft dhe Diablo. Dukej pothuajse si një monopol. Që atëherë, dueti ka vazhduar të bëjë lojëra të profilit të lartë si Overwatch dhe bleu zhvillues të mëdhenj si King, prodhuesi për lojëra mobile si Candy Crush.
Edhe pse zhvilluesi masiv ‘third-party’ ka patur suksese të mëdha, platforma mobile tani ka marrë frenat në dorë kur bëhet fjalë për të ardhurat. Një Call of Duty tjetër është padyshim rrugës, dhe Diablo IIII do të jetë këtu së shpejti, megjithatë platforma e mobile është prioriteti i momentit. Activision Blizzard mund të ketë parashikuar një pjesë të këtij suksesi, pasi që në vitin 2018 kishte marrë vendimin për të analizuar versionet mobile të të gjitha IP-ve të saj.
Me suksesin e lojërave si Candy Crush, Hearthstone dhe Call of Duty: Mobile, nuk duhet të çuditeni nëse Activision Blizzard vendos një fokus në platformën e tyre mobile. Është e drejtë të pyesni nëse mobile mund të fillojë të shohë përsëritje të portave të konsolave/PC, apo edhe spin-off të një ekskluziviteti të konsolave/PC. Diablo Immortal tashmë është duke ardhur në celular dhe fansat sapo kanë marrë një update mbi lojën e ardhshme. Lojtarët ka shumë të ngjarë të shpresojnë se një shtytje ndaj celularëve nuk do të thotë që konsolat dhe PC-të do të neglizhohen. Një strategji me tre fronte, nëse është e balancuar në mënyrë korrekte, e konsolave, PC dhe mobile me një sasi të madhe të lojërave legjendare të Activision Blizzard mund të jetë sigurisht një formulë fituese.
