Mbi 112 milion përdorues bëjnë log-in në Minecraft çdo muaj.
Mbi 112 milion përdorues bëjnë log-in në Minecraft çdo muaj.
Debati ka marrë fund: Minecraft është më e madhe se Fortnite. Dhe se Roblox. Dhe se GTA V. Kjo sipas intervistës më të fundit mes Helen Chiang, kreu i studios Mojang, me Business Insider. Në këtë intervistë Chiang deklaron se 112 milion përdorues janë duke bërë log-in çdo muaj në Minecraft.
Nëse do e krahasojmë si shifër, kjo është mbi 1% e popullësisë së botës. Edhe numri i shitjeve është gjithashtu mbreslënës me një shifër prej 176 milion në muajin maj. Pra sipas llogaritjeve, nëse Minecraft do të ishte një vend, ai do të ishte i teti më i madhi në botë.
“Ne përballemi me një lojë te e cila lojtarët vazhdojnë të kthehen,” U shpreh Chiang. “Mund të mos jetë gjithmonë loja numër 1, sepse gjithmonë ka lojëra të mira që dalin në mënyrë konsistente, por është ajo loja ku të gjithë duan të kthehen.” Minecraft u lançua në 2011, por nëse numrat e Chiang janë të vërteta, Loja e Mojang është në pikën e saj më të mirë.
Në fakt është e vështirë të mendosh për një lojë që ka patur sukses më të madh. Le të mos harrojmë se Minecraft është lojë e bërë kryesisht vetëm nga një njeri që më vonë ju shit Microsoft në 2014 për $2.5 miliardë.
Kjo shit-blerje nuk nënkuptoi kurrë fundin e dominancës së Minecraft. Në fakt, e bëri atë më të famshme. Në tetor 2018 ishte hera e fundit kur Minecraft njoftoi numrin e lojtarëve që në atë pikë qëndronte në 91 milion. Vetëm një vit më vonë, ky numër lojtarësh është rritur me 21 milionë. Një ritëm i pabesueshëm, mbi të gjitha për një lojë që refuzon të pranojë modelin free-to-play.
Duhet ta theksojmë se Chiang nuk i përmend lojtarët që mund të jenë duke luajtur nga paisje të ndryshme, që në këtë rast mund ta cënojnë pak shifrën e 112 milion. Cilido qoftë rasti edhe platformat e shumta ku ofrohet Minecraft kanë ndihmuar në këtë rritje. Loja ndodhet në PC, Mac, telefona dhe konsola lojërash.
Sa për të qenë brenda e vetmja lojë që mund të jetë rivale e Minecraft në shitje përveç Tetris është GTA V. Take Two Interactive së fundmi njoftoi se loja ka kapur 110 milion shitje, duke shtuar 10 milion vetëm në muajin e fundit. Gjithsesi asnjë prej këtyre nuk e mund dot Minecraft.