Lojërat mobile më të mira të vitit 2020

2020 ishte një vit i suksesshëm për tregun e lojërave mobile

Viti 2020 ka qene një vit tepër i vështirë për të gjithë por gjithashtu edhe tepër interesant për mënyrën sesi shumë gjëra ndryshuan gjatë këtij viti. Një prej këtyre gjërave ishin lojërat mobile të cilat gjatë këtij viti ishin tepër të suksesshme dhe fituar një popullaritet akoma edhe më të madh.

Genshin Impact

E ardhur gjatë muajit shtator, Genshin Impact hyri tepër fuqishëm në tregun e gaming me lançimin e saj në platforma të ndryshme ku një prej tyre platforma mobile dhe më e bukura ishte se ishte falas. Loja iu ofron një aventurë MMORPG e cila përfshin grafika dhe aspekte vizuale të mahnitshme, një gameplay të frymëzuar nga Breath of the Wild nëpërmjet një pajisjeje mobile.

Përveç sistemit gacha, një formë ndryshe e microtransactions, asnjë pengesë financiare nuk iu ndalon që ta luani atë. Ju mund të luani me 4 personazhet tuaja ose të bashkoheni me miqtë tuaj për t’i bërë përballet më të thjeshta dhe më argëtuese. Unë personalisht e kam luajtur goxha dhe jam argëtuar shumë pa patur asnjëherë lodhje ose mërzitje teksa e luaja.

Legends of Runeterra

Le të themi të drejtën, Riot Games ka bërë një punë tepër të madhe gjatë këtij viti pavarësisht pengesave tepër të mëdha që pandemia iu ka krijuar. Dhe një ndër punët më të mira që Riot ka bërë është Legends of Runeterra.

Legends of Runeterra është një card game e frymëzuar nga loja tjetër e Riot Games, Legends of Legends, duke i vendosur karakteret e LOL në një card game strategjike. Ndoshta në fillim mund t’iu ngjajë me Hearthstone, por ua sigurojmë që eksperienca që do të keni do të jetë komplet ndryshe pasi update e fundit e lamë përmirësuar goxha ketë lojë. Për fansat e card game, Legends of Runeterra është një lojë argëtuese e cila është gjithashtu falas.

Among Us

Epo besoj se të gjithë e dinit se Among Us do të ishte pjesë e kësaj liste dhe gjithashtu besojmë se e dini shumë mirë arsyen. Edhe pse e hedhur në treg gjatë vitit 2018, viti 2020 ishte suksesi i kësaj loje. Versioni mobile është plotësisht falas dhe kjo gjë bën të mundur që ju të keni mundësinë ta luani me miqtë tuaj në PC ose Nintendo Switch. Gjithashtu mund ta konsiderojmë si një prej lojërave më të mira multiplayer të këtij viti që po lëmë pas.

PUBG Mobile

Mund të themi që “largimi” i Fortnite nga platformat mobile bëri që PUBG Mobile të fitonte akoma edhe më shumë audiencë ketë vit. PUBG Mobile ofron një varietet tepër të lartë cosmetics, modes, hartash dhe armë, diçka që iu ofron goxha mundësi kombinimesh. Gjithashtu edhe aspekti kompetitiv i PUBG Mobile nuk ngelet mbrapa dhe ka avancuar goxha në shumë rajone dhe gjithashtu edhe në Shqipëri.

League of Legend: Wild Rift

League of Legends ka qenë një ndër lojërat më popullore që prej fillimeve të saj. Dhe për ta zgjeruar ketë popullaritet Riot vendos ta sjellë ketë lojë edhe në mobile nën emrin League of Legends: Wild Rift. Ky version i lojës është i përshtatur shumë bukur për pajisjet mobile si nga ana e performancës, po ashtu edhe nga ana e ndërveprimit me lojën.

E lançuar në beta në shumë shtete të botës, loja planifikon lançimin e plotë gjatë vitit 2021. Unë personalisht edhe pse nuk është se e luaj version PC të kësaj loje(me pak fjalë nuk marr vesh hiç nga LOL në PC), mund të them që jam argëtuar pafund me version mobile.

Call of Duty: Mobile

E ngjashme me shumë lojëra të tjera të zhanrit të saj, Call of Duty ia arriti të sillte një lojë të sajën në mobile e cila pati goxha sukses dhe popullaritet. Që prej lançimit të saj, Call of Duty: Mobile ka patur një rritje goxha të madhe dhe sidomos gjatë këtij viti.

Update e shpeshta dhe vëmendja që i është kushtuar kësaj loje ka bërë që shumë lojtarë të bëhen fansa të kësaj loje. Nëse jeni një fans i serisë Call of Duty dhe dëshironi të luani lojëra në mobile, Call of Duty: Mobile është zgjidhja më e mirë për ju.