Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Zbulohet vendndodhja e eventit të Season 10 në Fortnite
Duket se Epic Games më në fund do të shkatërrojë hartën e Fortnite dhe do të sjellë një të re, ose të paktën kështu sugjeron një leak i ri. Në Reddit, një lojtar ka zbuluar se lojtarët do të largohen nga ishulli i Fortnite gjatë eventit që pritet të ndodhë sot. Jo vetëm kaq, por pamja që lojtarët do të kenë mbi ishullin sugjeron se diçka e madhe pritet të ndodhë. Kur merr parasysh se Season 11 është shumë afër, nuk do qe shumë surprizuese që Epic të sillte disa ndryshime kolosale për lojën battle royale.
Më poshtë mund të shikoni foton e bërë leak që tregon se ku lojtarët do të teleportohen gjatë eventit. Arsyeja pse njerëzit mendojnë se harta do të shkatërrohet është sepse nuk ka asnjë arsye tjetër se pse lojtarët duhet të jenë kaq larg ishullit. Padyshim që diçka e madhe do të ndodhë, dhe lojtarët duhet të kenë mundësi të shohin të gjithë hartën. E gjitha kjo tregon se harta do të shkatërrohet ose të paktën do të ndryshohet shumë.
Padyshim që këto janë vetëm spekulime dhe duhet që kjo gjë të mbahet parasysh. Ndër të tjera, është thjesht një leak. Edhe nëse ky leak është i vërtetë dhe lojtarët do të teleportohen larg ishullit, kushedi se çfarë do të ndodhë. Diçka e madhe do të vijë, por kjo nuk do të thotë se harta do të shkatërrohet.
Megjithatë, do të jetë fundi i sezonit të dhjetë të lojës dhe ky është një moment mjaft i rëndësishëm dhe njëkohësisht një mundësi mjaft e mirë për të ndryshuar gjërat. Shumë njerëz kanë thënë në të shkuarën se një hartë e dytë do të vijë në vend të shkatërrimit të hartës së tanishme, por duke parë se si Epic e ka update-uar Fortnite vetëm me një hartë, do të qe e vështirë që kjo të ndodhte.
