Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Mbretërimit të Fortnite duket se i ka ardhur fundi
Fortnite është akoma një prej lojërave më të mëdha për streamer-at dhe YouTuber-at, por ai nuk është më mbreti i padiskutueshëm i Twitch. League of Legends duket se është rikthyer në vendin e parë gjatë gjysmës së parë të 2019, pasi numri i shikuesve të Fortnite në Twitch ka rënë. Ka pasur ndryshime të tjera të shumta në renditjen e lojërave më të mëdha në këtë platformë.
Nga 1 janari deri në 30 qershor, shikuesit në Twitch kanë ndjekur 512.3 milionë orë League of Legends. Kjo është një rritje e madhe krahasuar me vitin e kaluar, kur kishte 435.2 milionë. Ndërkohë, Fortnite është ndjekur vetëm 465 milionë orë gjatë së njëjtës periudhë, ndërsa vitin e kaluar kishte 531.1 milionë orë të para.
Duket se fajtori kryesor për këtë rënie është Ninja. Gjatë gjysmës së parë të 2018, streamer-i kishte 138.1 milionë orë shikueshmëri, thuajse dyfishin e çdo kanali tjetër. Megjithatë, këtë vit ai ka më pak se një të tretën e shikueshmërisë me 42 milionë orë, çka e vendos atë prapa Riot Games, Overwatch League dhe Tfue në renditje.
Just Chatting është kategoria e tretë më popullore në Twitch, duke zenë vendin e IRL, që tashmë është hequr nga platforma. Ndërkohë, shifrat e GTA V janë pesëfishuar (kryesisht prej GTA RP) dhe orët për World of Warcraft janë dyfishuar.
Apex Legends, pavarësisht problemeve të shumta, arriti një shifër mbresëlënëse prej 181.4 milionë orë. Megjithatë, nuk duket se pionerja e zhanrit battle royale, PUBG, ka ndjekur këtë rrugë. Ndërkohë që vitin e kaluar ajo kishte 232.2 milionë orë të ndjekura, tashmë loja nuk ndodhet as në listën e Top 10.
Padyshim që Twitch nuk është mënyra më ekzakte për të matur suksesin e një loje, por padyshim shifrat e stream-eve duhet të merren në konsideratë.
