Kur do të vijnë Zombies në Call of Duty: Mobile?

Ky është çdo informacion që kemi për Zombies në Call of Duty: Mobile

Fansat e Call of Duty: Mobile mund të jenë duke u argëtuar me mode-t multiplayer dhe battle royale të lojës, por mode të tjera pritet të vijnë në lojë. Më poshtë keni gjithçka që dimë për Call of Duty: Mobile Zombies.

Call of Duty: Mobile ka pasur një lançim mjaft të suksesshëm, me 35 milionë shkarkime nga lojtarët në Play Store dhe App Store të cilët e kanë luajtur lojën.

Tani për tani, loja free-to-play i jep lojtarëve mundësinë të provojnë mode multiplayer si Free-For-All, Frontline, Hardpoint, Domination dhe Team Deathmatch, por gjithashtu të luajnë dhe në Battle Royale. Megjithatë, fansat padyshim që janë të interesuar për ardhjen e Zombies në lojë.

Zombie-t pritet të vijnë në lojë së shpejti, duke marrë parasysh se ata ishin pjesë e closed beta të lojës. Megjithatë, informacioni rreth tyre ka qënë i pakët. Një teori sugjeron se Zombies do të vijnë në lojë për Halloween, duke marrë parasysh faktin se do ta bënte lojën edhe më të suksesshme në një periudhë festive. Megjithatë, ky informacion nuk është aspak i konfirmuar dhe mbetet ende një teori.

Ndryshe nga mode tradicional i lojës ku lojtarët krijojnë ekipe me 4 lojtarë për të përballuar turmat e zombive, versioni i Call of Duty: Mobile mund të jetë pak më ndryshe. Ai do të jetë një sistem më linear i bazuar tek misionet, ndryshe nga loja zakonisht. Megjithatë, Green Run pritet të rikthehet, së bashku me Diner, Farm dhe Town që janë disa prej vendeve më të pëlqyera nga lojtarët.

Megjithatë, dhe pse loja do të jetë ndryshe, Zombies gjithsesi do të ketë Perks brenda saj. Ende nuk dihet nëse lojtarët do t’i blejnë ato në makineri si zakonisht, por sipas YouTuber-it ParkerTheSlayer do të ketë 11 Perks. Quick Revive, Fleet Foot, Hasten, Bloodthirsty, Beefcake, Gecko dhe Deadshot janë pjesë e listës, por nuk dihet nëse Juggernog do të rikthehet.