Kur dhe çfarë do të sjellë Season 2 në Call of Duty Mobile?

Fundi i Season 1 të quajtur Heist bashkë me eventin e Lunar New Year janë drejt fundit por zhvilluesi i lojës ka zbuluar të dhëna të reja rreth Season 2 në Call of Duty Mobile.

Kur do të nisë Call of Duty Mobile Season 2

Battle Pass i Call of Duty Season 1 mbaron pas 17 ditësh. Duke marrë parasysh që Season e mëparshëm kanë nisur pas mbarimit të Battle Pass, Season 2 mund të vijë më 23 shkurt. Sidoqoftë kjo datë mund të ndryshojë.

Çfarë pritet të vijë

Call of Duty Mobile na shton herë pas here nostalgjinë duke sjellë harta të ndryshme nga lojërat e mëparshme Call of Duty. Dhe Season 2 mund të sjellë hartën Hardhat nga Modern Warfare 3 sipas një postimi në Twitter.

Harta origjinale e Hardhat në Modern Warfare 3 ishte e vendosur gjatë ditës dhe me një mot të kthjellët. Por sipas imazhit në Twitter, Hardhat në Call of Duty do të vijë me goxha ndryshime. Ne mund të shohim motin e keq me shi dhe kohën e cila është vendosur gjatë natës.

Armë të reja

Çdo Season i ri sjell armë të reja dhe Season 2 nuk do të jetë ndryshme. Edhe pse akoma nuk është zbuluar se çfarë armë do të vijë, zhvilluesit e lojës kanë dhënë disa të dhëna se çfarë mund të vijë.

Në një postim tjetër në Twitter, ata postuan një imazh të një mbajtëse arme bosh por në të cilën mund të dallosh formën e armës. Disa lojtarë janë shprehur se arma e re mund të jetë shotgun JAK-12 të cilin e kemi parë më përpara në Season 6 të Call of Duty: Modern Warfare.

Dhe çdo Season ka një Battle Pass. Battle Pass i Season 2 pritet të jetë me 50 tiers i cili do të ketë armë dhe equipment të reja dhe gjithashtu shumë cosmetics. Evente dhe game mode të ndryshme do të vijnë gjatë Season 2 por të cilat do të zbulohen më vonë.

Call of Duty gjithashtu ka zbuluar edhe se kur do të vijë Season 2 i Vanguard dhe Wazone ku pritet të sjellë ndryshime të mëdha.