Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këto janë sipas analistëve trendet që do të shihen më shumë në 2020
2020 pritet të jetë një vit i madh për industrinë mobile. Industria mobile ka patur një rritje të vazhdueshme gjatë viteve të fundit dhe 2019 ishte një prej viteve më të suksesshme. Këto janë trendet të cilat presim të shohim gjatë 2020 në mobile.
2020 nuk do të jetë viti i 5G
5G po hedh bazat për vitet e ardhshme, por 2020 nuk do të jetë viti i saj. 5G është padyshim një prej teknologjive më emocionuese që pirtet të vijnë në mobile, pasi do të sjellë një sërë zgjidhjesh teknologjike të reja, me cloud gaming që është një prej tyre.
5G do të kthehet së shpejti në standartin e ri për mobile në të gjitha tregjet, duke ofruar shpejtësi dhe lidhje më të forta se kurrë më parë. Tregu 5G për mobile është afër, por 2020 është ende herët. Shumë tregje si SHBA, Korea e Jugut dhe Kina e kanë gati infrastrukturën për 5G, por ajo mbetet ende e limituar në zona të vogla. Ndërkohë, vende si Japonia, Franca, Kanadaja dhe India po punojnë për të lançuar 5G në 2020, por shumë vende të tjera kanë në plan ta lançojnë këtë teknologji në 2025.
Problemi më i madh me 5G momentalisht janë valët e saj, të cilat bllokohen fare lehtë nga pengesa si muret. 5G gjithashtu duhet të zhvillohet përkrahë teknologjive të tjera si cloud computing dhe edge computing. Cloud gaming, që mund të sjellë lojëra AAA kudo që jeni, mund të jetë katalizatori që do të tërheqë shumë përdorues drejt 5G.
Pritet që të duhen edhe 3 ose 4 vite që 5G të popullarizohet, pra do të na duhet të presim të paktën deri në 2022.
Pajisjet periferike dhe input do të bëhen edhe më popullore
Pajisjet periferike dhe input janë momentalisht një veçori kryesore në tregun e lojërave. Controllers, tastierat, mouse dhe headsets janë një pjesë mjaft e rëndësishme e kësaj industrie dhe kjo duket se vetëm do të rritet. Ndërkohë që cloud gaming dhe crossplay vazhdojnë të rriten, kualiteti i gaming do të varet shumë nga inputi.
Në mobile, ka një tjetër arsye se pse këto pajisje do të popullarizohen edhe më shumë. Shumë lojëra po bëhen më komplekse dhe më kompetitive, gjë që i bën përdoruesit të kërkojnë input (controllers) dhe komunikim (headsets) më preçizë, gjë e cila do të rrisë shumë tregun e pajisjeve periferike.
Në vitet e ardhshme, pajisjet periferike për mobile do të jenë më të ngjashme me ato për konsola dhe gjithashtu do të mund të përdoren në disa platforma të ndryshme.
Aplikacionet do të lançohen më shpesh edhe në versionin Lite
Chip-et e reja për mobile po i bëjnë smartphones më të shpejtë dhe më të fuqishëm, duke i bërë ato të krahasueshëm dhe me pajisje të dedikuara gaming. Ndërkohë, pajisjet më të lira janë gjithashtu shumë të përhapura në tregje në rritje si India. Këto tregje janë në fokus të prodhuesëve të smartphones dhe zhvilluesëve, të cilët kërkojnë të rrisin fitimet e tyre.
Ndërkohë që lojërat mobile po bëhen më të mëdha dhe më komplekse, ato gjithashtu po bëhen dhe më kërkuese, gjë e cila nuk i përshtatet përdoruesëve të smartphone më të lirë. Një mënyrë që zhvilluesit të mund të krijojnë diçka për të gjithë tregun është publikimi i versioneve Lite të aplikacioneve të tyre. Ndërkohë që versionet standarte janë të ngjashme me lojërat në PC dhe konsola, versionet Lite marrin të njëjtën eksperiencë, heqin disa prej aspekteve dhe bëjnë të mundur që loja të mund të luhet nga të gjithë përdoruesit.
Shëmbuj të këtyre aplikacioneve dhe lojërave janë PUBG Mobile Lite, Uber Lite dhe Booking.com Lite, ndërkohë që Skype dhe Facebook kanë tashmë disa vite që operojnë aplikacione Lite.
Lojërat Lite nuk kanë nevojë të jenë të limituara në vizionin e tyre. Me shumë mundësi, gjatë 2020 do të shohim se lojërat do të lançohen më shpesh në versione Lite dhe standarte.
