Karakin do të shtohet në PUBG Mobile më 7 prill

Tencent ka zbuluar se një hartë e re Karakin do të shtohet në PUBG Mobile më 7 prill 2021.

Ishte një nga gjërat më të pritura që do të transferohet në versionin mobile nga PUBG PC dhe së fundmi, harta do të shtohet në lojë. Karakin është krejtësisht ndryshe nga çdo hartë tjetër në PUBG Mobile dhe ka karakteristika unike që do të shtohen krahas hartës.

Karakin është një ishull me rërë me një sipërfaqe shumë të vogël prej 2 kilometrash ku luftimet ju presin në çdo cep. Kjo hartë u prezantua për herë të parë në PUBG dhe që nga ajo kohë, shumë përdorues prisnin ta provonin në PUBG Mobile. Karakin është një hartë shumë e vogël për një lojë Battle-Royale dhe do të jetë edhe më e vogël se Sanhok kështu që lojtarët mund të presin një fushë beteje shumë kaotike.

Meqenëse kjo hartë është më e vogël, numri i lojtarëve në lobby gjithashtu zvogëlohet. Ngjashëm me Livik, vetëm 64 lojtarë mund të futen në një ndeshje dhe do të bëjnë beteja të menjëhershme për të fituar ndeshjen. Duke parë stilin e lojës së kësaj harte, mund të supozohet se ndeshjet gjithashtu do të përfundojnë shumë shpejt në këtë hartë.

Karakteristikat që lidhen me Karakin

Këtu është lista e mekanizmave që mund të shtohen në lojë së bashku me hartën e re. Ato u zbuluan në shënimet e patch-it të PUBG Mobile beta 1.3, por pasi Karakin nuk u shtua kurrë, lojtarët nuk mund të shijonin features e reja më herët. Të tre features janë si më poshtë:

• Demolition Zone

Një mekanizëm krejtësisht i ri në lidhje me hartën Karakin do të shtohet në PUBG Mobile. Kur lojtarët janë duke luajtur në Karakin, ata do të duhet të kërkojnë një zonë tjetër të re të ngjashme me Red Zone. Kjo quhet Demolition Zone dhe do të shënohet në mini-map si një purple area. Një alarm do të tregojë fillimin e kësaj zone dhe në këtë zonë, secila prej ndërtesave do të shembet në kohë reale. Kjo veçori e re do të shkaktojë shkatërrim të rëndë të objekteve të forta dhe si rezultat, lojtarët do të duhet të braktisin vendstrehimin e tyre dhe të lëvizin gjithmonë kur të fillojë Demolition Zone. Kjo veçori do t’i detyrojë ata të luftojnë dhe të jenë agresivë gjatë lojës.

• Depërtimi i murit të hollë me plumb

Lojtarët e njohur me zhanrin e lojërave FPS tashmë e njohin shumë mirë këtë veçori. Është implementuar në disa tituj në vitet e fundit dhe më në fund do të shfaqet në PUBG Mobile, ekskluzivisht për hartën Karakin. Lojtarët mund të gjuajnë armiqtë e tyre përmes mureve të dëmtuara vetëm në këtë hartë. Kjo veçori zbatohet për “luftime të brendshme” dhe kështu, do të jetë interesante të shihet nëse muret e përbëra dhe strukturat e tjera të tilla do të ndikohen nga ky mekanizëm apo jo.

• Sticky bombs

Një throwable item i ri shtohet në Karakin dhe njihet si sticky bomb. Ajo do të veprojë si një granatë e cila mund të mbillet në mure ose çati për shkatërrimin e objekteve të tilla. Mund të përdoret për të rrëzuar ndërtesat në Karakin dhe për të krijuar një terren tjetër për betejat. Pas përdorimit të një sticky bomb në mure, struktura do të shndërrohet në rrënoja dhe kështu, dikush mund të mbulohet pas objekteve të rëna kur janë në luftime.

Ky njoftim është bërë me rastin e tre vjetorit të PUBG Mobile. Në këtë ngjarje, DJ të famshëm si R3HAB, Alesso dhe Lost Frequency debutuan një këngë të re (lexoni më tepër këtu). Gjithashtu u zbuluan njoftime të tjera masive si PUBG Mobile që kalon një miliard shkarkime dhe bashkëpunimi me Godzilla vs Kong.