Lojtari italian i Pokémon GO del dhe i thotë policisë se “duhet të kap pokemonin”

Pokémon GO mund të jetë një mënyrë e mrekullueshme për të kaluar kohën, por kjo nuk është koha e duhur.

Italia është momentalisht në një stad shumë të agravuar, pasi një numër i madh rastesh me coronavirus u raportuan në vend. Gjendja ka qenë e tillë që në datë 9 mars. Njerëzve i është kërkuar që të qëndrojnë në shtëpitë e tyre dhe të dalin vetëm për nevoja thelbësore si: të blerit ushqim, mjekime ose të shkuarit në punë. Autoritetet kanë patrulluar rrugët për tu sigurar që qytetarët të qëndrojnë brenda.

Një 31-vjeçar u kap jashtë shtëpisë së tij me të bijën dhe u ndalua nga oficerët në rrugë. Ai besonte se të luajturit Pokemon Go ishte një arsye e mirë për të dalë nga shtëpia. Raportohet se kur u pyet ai tha: “më duhet ta kap pokemonin”. Policia e gjobiti për veprimin që bëri, bashkë me 43,000 qytetarë të tjerë që kanë bërë veprime të ngjashme.

Zhvilluesi i lojës, Niantic, ka sjellë masa të reja për të ndihmuar lojtarët që kanë ngecur në izolim, duke i lejuar ata që ta shijojnë lojën pa patur nevojë që të dalin jashtë si zakonisht. Mund të themi me bindje pra se Pokemon GO nuk ka për të ecur si justifikim me autoritetet, ndaj thjesht qëndroni në shtëpia.