Intel po edukon Komitetin Olimpik për potencialin e esports

Intel ka ndihmuar Komitetin Internacional Olimpik të kuptojë se çfarë është esports, duke iu dhënë një këndvështrim se si vetë esports mund të jetë një sport olimpik. Duke parë rritjen e vazhdueshme të esports dhe audiencën që tërhiqet prej saj, ka patur raste të vazhdueshme që esports ti jepej trajtimi Olimpik.

Në tetor të 2017 Komiteti Internacional Olimpik (IOC) mabjti një mbledhje, ku arritëm në përfundimin se esports mund aktualisht të konsiderohet si një aktivitet sportiv.

Sipas traditës, tre vlerat bazë të Olimpizmit janë ekselenca, respekti dhe miqësia. Pra për aq kohë sa lojtarët e esports nuk ndërhyjnë me këto vlera, mund të ketë një vend për ta në shkallët Olimpike në të ardhmen. Pavarësisht influencës pozitive për edukimin e IOC ne raport me esports dhe sponsorizimit që ka dhënë në shumë turnamente dhe skuadra prej vitesh, Intel thotë se nuk ka një mendje të ndarë nëse duhet apo jo të konsiderohet esports si një sport olimpik. Pak e çuditshme e dimë.

“Nuk kemi ende një perspektive nëse duhet përfshirë ose jo, por jemi totalisht të hapur dhe kemi qenë në bisedime me Komitetin Olimpik për ti ndihmuar ata të kuptojnë nocionin e duhur të esports. Gjithsesi në fund të ditës është e gjitha në dorën e tyre.”

Cilat janë lojërat që mund të përfshihen në një event Olimpik të esports. A mundet që një videolojë të klasifikohet si sport dhe a duan profesionistët e esports të njihen nga IOC? Veterani i industrisë, Paul Chaloner nuk mendon se është e mundur, siç është e dukshme edhe në tweet-in më sipër.

Gjithsesi ky është një diskutim që nuk ka fund. Të gjithë ndajmë mendime të ndryshme, Jemi kuriozë të dimë edhe mendimin tuaj, ndaj na mbani të informuar.