Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Huawei është duke hequr nga puna mbi 600 njerëz nga kërkimi Futurewei i tij në SHBA. Kompania e bëri këtë lajm zyrtar ditën e hënë, kur i nisi email-et zyrtare mbi 2/3 të stafit të punonjësve. Aty shpjegohej se duke nisur që nga 22 korriku vendimi, që erdhi si pasojë e dëbimit të kryer nga SHBA, do të hynte në fuqi.
Futurewei, që ka zyra në Kaliforni, Teksas, Illinois dhe Washington, punësoi 850 njerëz për të zhvilluar teknologjitë në kompaninë mëmë, e cila vitin e shkuar hodhi $510 milion si investim. Pasi vendimi i Trump hyri në fuqi Futurewei e pati të pamunur ta eksportonte punën e tij prapë në Kinë.
Mendohet se Huawei ju kërkoi punonjësve që nuk ishin të ndikuar nga këto shkurtime që ti dërgonin të gjitha të dhënat e tyre në serverat Kinezë një ditë para se ndalimi i Trump të bëhej zyrtar. Futurewei siguroi 2100 patenta të lidhura me teknologjinë 5G dhe të kamerave. Nga ana tjetër Huawei ju ofroi punonjësve të pushuar dëmshpërblime mbi muajt e mbetur të punës së tyre.
E gjithë lufta SHBA-Kinë po ndikon shumë në biznesin e Huawei. Shitja e smartphone-ave është ngadalësuar dhe e ardhmja e kompanisë mbetet ende e paqartë.
Huawei përdor shumë elementë, gjë kjo që kuptohet kur merr parasysh se janë numri 2 në botë për bërjen e smartphones. Ndalimi që Trump i bëri Huawei, gjithashtu i ndalon çdo lloj kompanie teknologjike në SHBA ti shesë kompanisë kineze. Kjo është diçka që do të ndikojë shumë në shitjet e furnizuesve në SHBA dhe është pikërisht kjo që ka sjellë frikë në pjesën më të madhe të kompanive teknologjike. Shumica e tyre pësuan rënie të menjëhershme pas futjes në fuqi të këtij vendimi.
Të hënën Donald Trump deklaroi se do ti jepte kompanive amerikane një liçensë të përkohshme për marrëveshje me Huawei, ndaj për 1200 njerëzit e mbetur në SHBA të Huawei-t ka ende pak shpresë.
