Zbulohen pamjet e para të Gulag në CoD: Mobile

Call of Duty: Mobile zbuloi pamjet e para të Gulag të shtunën e 23 majit, që do të mundësojnë combat-in klaustrofobik në lojë, me shumë gjasa në Season 7 të saj.

Zhvilluesit e Call of Duty kanë qenë duke ripunuar vende klasike nga seritë e mëparëshme të lojës dhe i kanë integruar ato në lojërat e fundit të CoD. Tani duket se Gulag ka rradhën që të futet në ekosistemin e CoD Mobile.

Zhvilluesit postuan një teaser për lojën që tregoi një pamje të disa lavamanëve të pisët në një tualet. Ky imazh ishte menjëherë i njohur për veteranët e Call of Duty, duke e bërë menjëherë të kuptueshme se Gulag do të vinte në mobile.

Sado që nuk është konfirmuar për të ardhur në Season 7, YouTuber-i ‘BobbyPlays’ postoi një video ku zbulohej harta e re e përmendur në patchet e lojës.

Kapaciteti i plotë i hartës ende nuk dihet. Në Warzone, ka një variacion të Gulag, ku lojtarët përballen në 1v1 pasi janë eleminuar. Nëse fitojnë në këtë përballje kanë të drejtën të rikthehen në lojë.

Gjithsesi, Gulag është gjithashtu një hartë në multiplayer, 2v2 Gunfight mode për të qenë të saktë, ndaj mund të jetë edhe kjo ajo që do të vijë në versionin mobile.

Detajet ekzakte, si data e lançimit dhe dizajni ende nuk janë zbuluar, por me shumë gjasa do të mësojmë më shumë në ditët në vijim.