Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këto janë dy prej lojërave më të suksesshme të serisë së Rockstar
Seria Grand Theft Auto ka fansa të shumtë dhe është një prej serive më popullore të lojërave të të gjitha kohërave. GTA 4 ishte ajo që e solli këtë seri në kohët moderne, ndërkohë që GTA 5 e perfeksionoi edhe më tej serinë dhe konsiderohet si një prej lojërave më të mira ndonjëherë.
GTA 4 u lançua në prill të 2008 për PlayStation 3 dhe Xbox 360, ndërkohë që erdhi në PC në dhjetor. Diçka e ngjashme ndodhi edhe me GTA 5, e cila erdhi në shtator të 2013 për PlayStation 4 dhe Xbox One, ndërsa në PC erdhi shumë më vonë, në prill të 2015.
Duke parë suksesin e serisë dhe rritjen gjatë viteve të fundit të mobile gaming, Rockstar Games ka sjellë shumë prej lojërave të vjetra Grand Theft Auto në mobile. Megjithatë, të vetëmet lojëra të cilat nuk kanë ardhur në mobile janë ato të kohëve moderne, pra GTA 4 dhe GTA 5.
Këto janë lojërat GTA për mobile:
- Grand Theft Auto: San Andreas
- Grand Theft Auto: Vice City
- Grand Theft Auto III
- Grand Theft Auto: Chinatown Wars
- Grand Theft Auto: Liberty City Stories
Prandaj, të gjitha links në website që thonë se mund të shkarkosh GTA 4 dhe GTA 5 për mobile janë fallco dhe ilegale. Ju nuk duhet t’i shkarkoni ato, pasi kështu rrezikoni të dëmtoni smartphone-in tuaj, por rrezikoni gjithashtu që të dhënat tuaja personale të vidhen.
Rockstar ende nuk ka dhënë asnjë shenjë se këto dy lojëra do të vijnë në mobile, prandaj do t’ju duhet ende të prisni derisa të kemi një konfirmim zyrtar nga zhvilluesit.
