1 milion llogari të Free Fire janë bërë ban për cheating në 2 javët e fundit

Cheating është një problem me të cilën përballet çdo zhvillues në industrinë e lojërave dhe është akoma më keq për lojërat falas. Një total prej 862.818 llogarish u pezulluan nga Free Fire për cheating gjatë dy javëve të fundit, njoftoi zhvilluesi Garena në Facebook.

Në një grafik, kompania ekspozoi arsyet pse ato llogari u bënë ban. Shumica, 33 përqind, e llogarive të ndaluara në total, përdorën një program për auto-aim, ndërsa 26 përqind përdorën softuer për të parë përtej mureve, duke parë armiqtë për t’i kapur më pas dhe për t’i vrarë.

Numri më mbresëlënës në ato grafika është sigurisht 54 përqind e llogarive të bëra ban pa u raportuar nga lojtarët. Do të thotë që sistemi i zbulimit të cheats të Garena është efikas.

“Ne do të kthehemi me më shumë updates në javën e ardhshme”, tha zhvilluesi. “Sigurohuni që të mos bashkoheni me lojtarë që bëjnë cheat ose përdorin ndonjë aplikacion që mund të modifikojë file-et e lojës.”

Raporti i fundit daton në Maj, kur mbi 3.8 milion cheaters u ndaluan. Në atë kohë, Garena njoftoi krijimin e një sistemi që nuk lejonte që pronarët e llogarive të ndaluara të hapnin llogari të reja.

Pavarësisht nga një politikë anti-cheat gjithnjë e më efikase, cheaters u gjetën edhe në nivelin më të lartë, kur dy skuadra u ndaluan nga Free Fire Championship 2020 Fall në Indi, Shtatorin e kaluar.