Epic Games sjell update 2.54 në Fortnite Battle Royale

Si loja më e madhe në internet battle royale në treg tani, Fortnite ka parë shumë update-te në të kaluarën, dhe tani ajo më e fundit sapo ka mbërritur. Zhvilluesit Epic Games sapo kanë sjellë update-in 2.54 në të gjitha platformat, dhe së bashku me të vijnë dhe ‘patch notes’ më të fundit.

Ky update i ri çuditi shumë fansa, pasi llogaritë zyrtare të mediave sociale të Fortnite nuk paralajmëruan për diçka të tillë që do të vinte ditën e djeshme. Shumica e fansave gjithashtu ishin duke pritur për një patch më të madh 11.50 që pritej të dilte diku javën e ardhshme, kështu që askush me të vërtetë nuk e priste një update më të vogël për të dalë deri atëherë.

Madhësia e shkarkimit dhe instalimit për këtë patch të ri është 1 GB, megjithëse madhësia mund të ndryshojë pak në varësi të platformës. Ndryshimet e përgjithshme të bëra përfshijnë Goalbound Set Outfits që tani kanë numrin përpara në vend të shpinës, ndoshta për shkak të armëve që mbulojnë shpinat e lojtarit. Problemet që lojtarët kishin me ‘scroll’ dhe zgjedhjen e ‘Friends’ në menunë ‘Social’, megjithatë, ende nuk janë zgjidhur. Patch notes përmendin se do të vinë në një update të ardhshëm, shpresojmë që të jetë patch-i 11.50 javën e ardhshme ose mbase në eventin Birds of Prey x Fortnite me Harley Quinn.

Si me shumë nga update-et e mëparshme të Fortnite, pati disa ndryshime edhe në Battle Royale. ‘Ziplines’ janë çaktivizuar përkohësisht për shkak të një problemi, dhe lojtarët nuk mund të editojnë më strukturat ndërsa shikojnë poshtë. Padyshim që këto ndryshime do të lënë shumë lojtarë të mërzitur. “Editimi pa dashje i pjesëve të ndërtesës nëpër dysheme” me sa duket është rregulluar.

Ka pasur edhe disa ndryshime disi zhgënjyese në mënyrën Creative. Grimcat dhe fenerët nuk mund të përshtaten ose ndërveprohen më, dhe disa ishujve i mungojnë përshkrimet e tyre në lojë.

Të gjitha ato ndryshime janë të detajuara në patch notes, por dataminer-i ShiinaBR gjeti disa ndryshime të tjera të fshehura në lojë. Këto ndryshime të pa paralajmëruara përfshijnë një emote të re “Freemix” (për të cilën disa fansat spekuluan se mund të ishte fituesi i Fortnite TikTok Challenge), stilet Super Bowl për skin-et e futbollit Goalbound dhe “disa update-te për Save the World”. Llogaritë e mediave sociale të Fortnite ende nuk kanë thënë asgjë rreth këtyre ndryshimeve të reja, kështu që ndryshimet e mundshme në këtë pjesë janë thjesht një pamje në prapaskena e asaj që do të vijë në update-in e ardhshëm të madh.

Fortnite aktualisht është në dispozicion në PlayStation 4, Xbox One, PC, Switch dhe pajisjet mobile. Update-i 2.54 tani është në dispozicion në të gjitha platformat.