Shefi i Epic Games dëshiron që Fortnite të jetë më shumë se një lojë

Tim Sweeney dëshiron që Fortnite të jetë diçka më shumë se thjesht një lojë battle royale

Që prej lançimit në 2017, Fortnite është kthyer në një fenomen kulturor. Battle royale e Epic Games ka sjellë miliona lojtarë nga mbarë globi me qëllim që të arrijnë një victory royale.

Loja madje ka kaluar përtej audiencës së zakonshme të gamers. Yje si Drake janë bashkuar me lojtarë si Ninja për të luajtur së bashku, ndërkohë që të tjerë personazhe të famshëm kanë rritur audiencën e tyre duke bërë stream lojën. Epic gjithashtu ka sjellë bashkëpunime me seri si Marvel’s Avengers dhe Stranger Things, të cilat kanë qënë shumë të suksesshme.

Tani për tani, Fortnite mbetet ende një lojë me shumë fansa, por Epic Games duket se ka në plan të krijoj diçka shumë më të madhe. Tim Sweeney, CEO i studios, u pyet nëse e konsideronte Fortnite thjesht një lojë apo një platformë. “Fortnite është lojë,” – tha ai. “Por më pyesni sërish pas 12 muajsh.”

Edhe pse kjo përgjigje nuk ra shumë në sy, një gazetar polak vuri në dukje faktin se lojtarët po e trajtojnë si një vend për t’u takuar dhe se është një alternativë më e mirë se rrjetet sociale. Megjithatë, Sweeney nuk ra dakort, të paktën për tani. Ai u përgjigj: “do të bazohem tek përkufizimi i viteve ’90 duke thënë se që diçka të jetë një platformë, shumica e kontentit brenda saj duhet të krijohet nga të tjerët.”

Tani për tani, shumica e lojtarëve janë fansa të battle royale, por një pjesë e tyre gjithashtu janë bërë të njohur nga krijimet e tyre. Ende mbetet mister nëse zhvilluesit do të vendosin ta zgjerojnë lojën duke i dhënë mundësi krijuesëve të krijojnë hartën e re ose diçka të ngjashme.