Fall Guys do të vijë në mobile, por vetëm në Kinë

Fall Guys: Ultimate Knockout do të vijë në paisjet mobile në Kinë, pasi kompania Bilibili ka marrë të drejtat e të blerit të lojës battle royale për bazën masive të lojtarëve.

Kalimi i një loje në Kinë është një arritje e madhe për çdo zhvillues. Sado që çdo lojë duhet të aprovohet fillimisht nga rajoni përpara se të publikohet, shtrirja e gjerë e saj i hap dyert në disa nga komunitetet më të mëdha të gaming në botë.

Loja e re ka marrë që në fillimet e saj goxha vëmendje. Pas lançimit të saj në PlayStation Plus dhe Steam, me miliona gamers janë futur për ta provuar lojën. E njejta mundësi do të vijë tani edhe për tregun në Kinë, me lojën që do të kalohet në mobile. Kjo do i hapë derën rreth 635 milionë gamers në Kinë.

Ende nuk ka lajm për një version mobile të lojës në një rajon tjetër përveç Kinës. Ka qenë pak histori e çuditshme me versionin mobile të lojës. Disa javë pas lançimit të saj fillestar, skuadra e FG paralajmëroi për fake ads në YouTube që thonin se një portë në mobile ishte në rrugë e sipër.

“Nëse shikoni ads për një version mobile ato janë mashtrime,” shkruajti adresa e FG në Twitter. Kjo deklaratë i bëri shumë lojtarë të mendojnë se nuk kishte shpresa për një variant mobile të lojës, kjo sigurisht derisa erdhi njoftimi i Bilibili.

Tani ka shpresa për lojtarët e perëndimit. Sado që tregu i mobile në Kinë është gjigand, kjo nuk do të thotë që zhvilluesit nuk e kanë në plan ta sjellin lojën për mobile edhe në vende të tjera në të ardhmen e afërt.

Sado që nuk ka patur akoma të dhëna nga zhvilluesit deri më tani për diçka të tillë, është e sigurt që versione të tjera të lojës do të ishin mëse të mirëpritura nga komuniteti. Mbetet të presim dhe të shohim.