Cilat janë lojërat më të mëdha esports në 2019?

Cilat lojëra kanë audiencën dhe prize pool-in më të madh në 2019?

Pavarësisht nëse jeni fans i lojërave të vjetra si Counter-Strike: Global Offensive ose Dota 2, ose preferoni lojëra aksion si Fortnite ose Apex Legends, 2019 ka qënë një vit fantastik për esports.

Rekordet e prize pool janë thyer gjatë këtij viti ndërkohë që brande të cilat nuk janë të fushës së gaming kanë sponsorizuar dhe investuar më shumë në ekipe dhe turnamente. Intel madje arriti të sigurojë dhe një event të mbështetur nga lojërat olimpike për Rocket League dhe Street Fighter V për Tokyo 2020.

E gjithë skena po rritet me ritme të shpejta. Por tashmë ka kohë që disa lojëra kanë ngritur kokë mbi të tjerat dhe kanë shkruar emrin në historinë e esports. Me Worlds 2019 në League of Legends që po zhvillohet dhe Overwatch World Cup dhe PUBG National Championship Finals në horizont, le të hedhim një sy se cilat lojëra janë esportet më të mëdha të 2019 deri më tani.

Termi “më i madh” mund të përkufizohet në disa mënyra. A është më i pari? Ai me prize pool më të lartë? Ai më i luajturi? Për këtë klasifikim, le t’i hedhim një sy turnamenteve më të mëdhenj dhe më të mirë të esports në 2019 dhe të krahasojmë prize pool total, numrin e turnameteve dhe turnamentet më të ndjekura.

League of Legends

• Prize pool: $6,585,000
• Turnamente: 43
• Turnamenti më i parë: LPL Summer (65.4 milionë)

Fortnite

• Prize pool: $64,338,000
• Turnamente: 20
• Turnamenti më i parë: Fortnite World Cup (2.3 milionë)

Dota 2

• Prize pool:  $44,155,000
• Turnamente: 20
• Turnamenti më i parë: The International (2 milionë)

CS:GO

• Prize pool: $14,963,000
• Turnamente: 23
• Turnamenti më i parë: IEM Katowice Major (1.2 milionë)

Hyrja e Fortnite në skenën e esports ka sjellë investime shumë të mëdha, edhe pse Dota 2 ka prize pool-in më të lartë në një event të vetëm gjatë The International këtë vit.

Battle royale i Epic është gjithashtu e dyta në shikueshmëri pas gjigandit League of Legends. Loja e Riot ka pasur më shumë turnamente, për shkak të ligave rajonale në çdo cep të globit. Edhe pse ka shikueshmërinë më të lartë, prize pool total i League of Legends është në vend të fundit, por kjo padyshim që do të ndryshojë pas Worlds 2019.

Për sa i përket popullaritetit, ai gjithashtu mudn të klasifikohet në varësi të disa specifikave, por zakonisht shikueshmëria është treguesi më i mirë.

Eventi më i ndjekur i esports është finalja e Worlds 2018 në League of Legends, duke arritur mbi 205 milionë shikues me 6.19 miliardë orë të para. Worlds i këtij viti me shumë mundësi do e rrisë edhe më shumë këtë rekord.

Tabela e mësipërme tregon numrat e shikueshmërisë për eventet më të ndjekura të esports në 2019 në varësi të lojërave. Me shumë mundësi rradha do të ndryshojë deri në fund të vitit, me evente si Overwatch World Cup që pritet të sjellin shumë shikues.

Bazuar tek numrat e mësipërm, League of Legends është padyshim esports më popullor. Jo vetëm që kishte 65 milionë shikues për LPL, kishte gjithashtu audienca shumë të mëdha dhe në rajonet e tjera.

Lojërat battle royale gjithashtu dominionin listën, me Fortnite dhe Apex Legends që kishin sjellë audienca shumë të mëdha, duke demonstruar popullaritetin e tyre në Twitch.

Free Fire, një battle royale mobile popullore në Azi, por dhe në vendin tonë, ka arritur të sjellë shumë shikues, edhe pse nuk është dhe aq popullore në Amerikën e Veriut, duke treguar influencën e audiencës aziatike.

Lojëra të mëdha FPS si Rainbow Six: Siege dhe Call of Duty janë jashtë kësaj liste, me shumë mundësi për shkak të popullaritet të madh të battle royale.