Më shumë do të zbulohet në BlizzCon
Më shumë do të zbulohet në BlizzCon
Siç mund ta dini tashmë, BlizzCon do të fillojë javën e ardhshme dhe fansat e lojërave të Blizzard janë duke vrarë mendjen se çfarë të rejash do të sjellë zhvilluesi. Ndër njoftimet më të pritura dhe deri diku edhe parashikime, përflitet zbulimi i Overwatch 2 dhe Diablo 4.
Gjithsesi, edhe lojëra si Hearthstone, sado që prej ngjarjeve të fundit tashmë shoqërohen me kontradita, kanë anticipimin e tyre. Blizzard solli një teaser të ri për lojën të quajtur: “Choose Wisely”, në të cilën Madame Lazul shtron para letrat e saj dhe thotë se gjërat mund të shkojnë në drejtime të ndryshme.
Referenca me shumë mundësi është për vështirësite e krijuara mes League of E.V.I.L. dhe League of Explorers, respektivisht dy subjektet e dy expansions-ave të para, Rise of Shadows dhe Saviors of Uldum. Ndërkohë që një person normal do të priste që të mirët të triumfojnë, Madame Lazul sugjeron të kundërtën. Interesante, duhet ta pranojmë.
Duket se Year of the Dragon i Hearthstone do të ketë goxha mbylje. Blizzard tha se lajmi i ardhshëm i madh për Hearthstone do të zbulohet në 1 nëntor, kur të fillojë BlizzCon. Shikoni trailer-in më poshtë.