Fansat e Dragon Age kanë kohë që presin, por duket se më në fund për ta ka një dritë në fund të tunelit. BioWare ka njoftuar një teaser për një lojë të re Dragon Age. Shikoni videon në fund të artikullit.
Mark Darrah, producenti ekzekutiv i BioWare zbuloi pak më shumë në një postim te BioWare.com.
“Nuk do të japim shumë informacion për momentin, por mund t’ju them se kemi ndërtuar një skuadër të re rreth Dragon Age. Ajo përbëhet nga njerëzit që kam punuar në Dragon Age, Jade Empire dhe disa nga ditët e punimeve me Baldur Gate.” shprehet Darrah.
Historia e fundit e DLC Dragon Age: Inquisition, zbuloi se Solas fshihte një sekret të madh. Ai ishte një magjistar antik veprat e të cilit kishin frymëzuar mitin Dalish të elfëve të Fen’Harel. Në fund të lojës ai shfaqi qëllimin e tij të vërtetë: Të kthente botën e Thedasit në gjendjen e saj fillestare, duke shkatërruar barrierën mes mbretërsisë materiale dhe dimensionit të Fade. Praktikisht një apokalips.
Skenat finale të Dragon Age: Inquisition indikuan se Solas dhe ndjekësit e tij i ishin drejtuar perandorisë së Tevinterit, më saktë pjesëzave të saj që kishin mbetur. Tevinteri ishte e vetmja zonë ku magjistarët nuk ishin të shtypur si klasë, por përkundrazi përbënin familjet më të shquara të vendit.
Lojtarët nuk e kanë vizituar Tevinterin më parë në lojëra, por kanë kaluar në një pjesë të territoreve të tij të mëparëshme në Dragon Age: Origins, Dragon Age 2 dhe Dragon Age: Inquisition.
Thuhet se loja ka që në 2017 që zhvillohet dhe se fansat do mund të shohin një tjetër lajmërim për të përpara fundit të dhjetorit.