Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Smartphone-t do të vijnë në tetor
Sipas @OnLeaks në bashkëpunim me CompareRaja, parametrat e hardware të OnePlus 7T dhe OnePlus 7T Pro janë pak a shumë të ngjashme me modelet e mëparshme që kompania lançoi disa muaj më parë. Përveç disa ndryshimeve të vogla, nuk mendojmë se personat që kanë një OnePlus 7 dhe OnePlus 7 Pro do të kenë një arsye të mirë për të blerë një prej këtyre telefonave, përveçse nëse duan të kenë parametrat më të fundit.
Për sa i përket parametrave të OnePlus 7T, smartphone-i do të ketë një ekran 6.55″ Fluid AMOLED me një rezolucion 2400×1080 dhe 402 PPI, brenda të cilit do të ndodhet dhe një in-screen fingerprint sensor. OnePlus 7T do të ketë në mënyrë surprizuese një ekran 90Hz dhe gjithashtu do të suportojë HDR 10+. Lista e parametrave thotë se ky model do të vijë me Snapdragon 855 Plus, Adreno 640 GPU, 8GB LPDDR4x RAM dhe do të ketë dy opsione për memorie, 128GB dhe 256GB.
Kamera e OnePlus 7T gjithashtu do të përmirësohet. Ndërkohë që kamera kryesore do të jetë e njëjtë me atë të OnePlus 7, pra sensor 48MP F/1.6 që suporton OIS dhe EIS, OnePlus 7T gjithashtu do të ketë një sensor telephoto 12MP F/2.2 me 2x optical zoom. Ndërkohë, kamera e tretë do të jetë një sensor ultra-wide 16MP F/2.2 me 120 gradë rreze. Ndërkohë, kamera e selfie do të jetë 16MP F/2.0 me suport për EIS.
Për të fuqizuar të gjithë këto komponentë do të përdoret një bateri 3800mAh me Warp Charge 30T, që raportohet të jetë 20% më e shpejtë në karikim se teknologjia që përdor OnePlus 7 Pro. Të tjera veçori të kamerës përfshijnë një macro mode, Nightscape mode dhe Super Slow-Motion që regjistron 960FPS me rezolucion 720p.
Për sa i përket OnePlus 7T Pro, pritet të ketë një ekran pak më të madh 6.65″ Fluid AMOLED me rezolucion 3100×1400 dhe çdo veçori tjetër që ka OnePlus 7T. Versioni Pro pritet gjithashtu të ketë një procesor Snapdragon 855 Plus, Adreno 640 GPU, 8GB RAM (me mundësi dhe për më shumë) dhe 256 GB memorie. Kamerat mbrapa do të jenë tre sensorë 48MP + 8MP telephoto me 3x zoom + 16MP ultra-wide 120 gradë. Kamera e selfie do të jetë e njëjtë si ajo e OnePlus 7T. Për sa i përket baterisë, OnePlus 7T Pro do të ketë një bateri më të madhe 4085mAH që gjithashtu do të suportojë Warp Charge 30T.
Ndërkohë, për datën e lançimit, @OnLeaks thotë se OnePlus 7T dhe OnePlus 7T Pro pritet të lançohen në 10 tetor dhe do të mund të blihen që prej 15 tetorit. Këto data janë të ndryshme nga ato që janë raportuar më përpara, ku thuhej se telefoni do të zbulohej në 26 shtator fillimisht në Indi. Padyshim që këto informacione nuk janë 100% të sigurta, prandaj ende na duhet të presim derisa gjithçka të konfirmohet.
