Bashkëpunimi i PUBG Mobile dhe Resident Evil 2 vjen së shpejti

Eventi i ri do të fillojë këtë muaj

Miliona lojtarë në mbarë botën së shpejti do të kenë mundësi të luajnë Zombie Mode, mode-in e ri në PUBG Mobile. Ai ka qenë në beta për pak kohë tanimë, dhe PUBG Corp e Tencent Games po punojnë për t’a lançuar atë në update 0.11.0. Edhe pse ka akoma problemet e saj, ky version i battle royale-s më popullore në mobile do t’i lejojë lojtarët të luajnë Zombie Mode, i cili duket se është pjesë e një bashkëpunimi me Resident Evil. Pas suksesit të remake-ut të Resident Evil 2, duket se kjo lëvizje do të rrisë popullaritetin e të dyja lojërave.

Mode i ri, i quajtur ‘Sunset‘, do të bëjë zombi, boss-a dhe krijesa të tjera nga bota e Resident Evil 2 pjesë të lojës normale të PUBG. Pra, lojtarët tanimë, përveçse njëri tjetrit, do të kenë dhe disa kundërshtarë më shumë për të luftuar.

Lojtarët do të hidhen në hartën normale të PUBG, e cila tanimë do të ketë krijesa të reja si dhe një cikel dy-ditor. Gjatë ditës, lojtarët do të luftojnë njëri tjetrin si dhe një numër të pakët zombish. Por, sapo nata të bjerë, lojtarët duhet të përballen me numrin e shumtë të ushtrisë së të ringjallurve që lëvizin në hartë në kërkim të vaktit të rradhës. Krijesat vizitore mund t’ju japin lojtarëve municione dhe armë kur mposhten, pra lojtarët do të shpërblehen për përpjekjet e tyre për të vrarë zombit.

Së bashku me zombit, zhvilluesit kanë punuar gjithashtu me muzikën dhe efektet zanore, për t’a bërë lojën të duket më e ngjashme me një lojë Resident Evil kur ju e luani atë, ndryshime të cilat e bëjnë lojën të duket tërësisht e re.

Update 0.11.0, përveç ‘Sunset‘ mode, do të rregullojë disa bugs dhe do të shtojë ndryshime moti në një pjesë të hartave të lojës. Update duket se do të ndodhë përpara 20 shkurtit sipas informacioneve të dala. Edhe pse Tencent ende nuk ka dhënë një njoftim zyrtar, të gjitha shenjat tregojnë se ky update do të ndodhë shumë shpejt.