Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Çfarë po ndodh dhe çfarë do të ndodh me Among Us në Twitch
Party games kanë pushtuar Twitch gjatë kësaj vere sidomos pas lojës Fall Guys e cila tërhoqi shumë vëmendje. Që prej asaj kohe Among Us, një lojë e publikuar në 2018 dhe që nuk kishte interes nga askush, filloi të pushtonte Twitch duke u bërë kategoria e dytë më e ndjekur në Twitch. Kur doli për herë të parë në 2018, loja nuk kishte pothuajse asnjë streamer i cili e mbështeste dhe qëndroi “e vdekur” për një kohë të gjatë.
Among Us është një lojë e thjeshtë murder mystery e ngjashme me Mafia ku do t’iu duhet të gjeni Imposter. në fillim të lojës një ose disa lojtarë zgjidhen Imposter dhe ka për qëllim të vrasë crewmate ose të sabotojnë. Crewmate kanë për qëllim të kryejnë detyrat e tyre dhe të arrijnë të gjejnë se cili është Imposter i vërtetë.
Në 30 ditët e kaluara, kjo lojë ka arritur të jetë një nga kategoritë më të ndjekura pas kategorisë Just Chatting sipas disa statistikave të marra nga Twitch. Dhe gjatë këtyre 2 javëve, Among Us ka thyer rekorde duke arritur më shumë se 80 milion orë të shikuara nga shikuesit në Twitch sipas disa raporteve dhe statistikave nga SullyGnome. Por si nisi kjo lojë të bëhej një nga lojërat më të luajtura në Twitch dhe a do të mund të vazhdoj të qëndroj e tillë?
Para korrikut, Among Us kishte një shikueshmëri të papërfillshme në Twitch. Nga afërsisht 120,000 orë të para gjatë muajit qershor, loja pa një rritje të madhe gjatë korrikut duke kapur një shifër rreth 4.2 million orë të para. Në industrinë e gaming kjo lloj rritje është e shkaktuar nga disa faktorë si eventet esport, influencuesit dhe reklamat. Për shkak të natyrës së lojës nuk do t’iu duhet shumë të kuptoni se si kjo lojë arriti majat.
Gjatë korrikut, 2 streamer të famshëm, Sodapoppin dhe xQc luajtën Among Us duke prodhuar rreth 630,000 dhe 337,000 orë të para nga shikuesit respektivisht. Dhe ata e arritën ketë gjë me thjesht 32 orë duke luajtur Among Us. Gjithashtu loja pati një rritje të madhe edhe në Azi duke patur shumë streamer aziatik të bënin stream këtë lojë. Streamer si leechunhyang, saddummy dhe handongsuk patën më shumë se 100,000 orë të shikuara secili në muajin korrik.
Pas rritjes masive në muajin korrik, Among Us pati një rritje akoma më të madhe në shikueshmëri me xQc i cili kryeson me 3,5 milion orë të shikuara gjatë 70 orëve duke luajtur Among Us. Kjo rritje bëri të mundur që edhe shumë streamer të tjerë si Mizkif, Rubius dhe Trainwrecks të fillojnë të luajnë këtë lojë.
Fall Guys e lançuar në fillim të muajit gush, arriti 113 milion orë të para vetëm në muajin gusht. Edhe pse tërhoqi një vëmendje të madhe si nga shikuesit po ashtu edhe nga streamer, kjo lojë luajti një rol në suksesin e Among Us. Me Fall Guys i cili po arrinte majat e Twitch, streamer të ndryshëm kuptuan avantazhet që mund të sjell një party games. Edhe pse jo të gjithë mund të jenë të interesuar në të njëjtat zhanra, Among Us është një lojë universale që mund të mbledh lojtarë nga më të ndryshmit.
Pyetja e vërtetë qëndron tek fakti se sa do të zgjas kjo lojë. Shikueshmëria në Twitch është e paparashikueshme pasi mund të ndryshoj çdo ditë. Çdo ditë del një lojë e re e cila mund të tërheq vëmendje dhe të përmbys çdo gjë. Për Among Us ky muaj ka qënë një nga më të mirët duke marrë parasysh faktin që ia ka dalë të arrijë këto rezultate pa asnjë gjë të re të nxjerrë së fundmi. Por kjo nuk do të zgjas për shumë pasi shikuesit do të fillojnë të kërkojnë gjëra të reja duke u zhvendosur në lojëra të tjera ose streamer të tjerë.
Edhe pse një lojë e cila është argëtuese, ndonjëherë fillon edhe bëhet shumë lodhëse për shkak të përqendrimit dhe angazhimit social që duhet të marrësh. Është e kuptueshme për disa streamer të cilët do të preferonin të luanin Fortnite ose Call of Duty për 40 deri në 50 orë sesa Among Us pasi këto lojëra bazohen më shumë në aftësitë dhe reflekset e tyre. Por diçka është e ditur, Among Us nuk do të zhduket brenda një nate por në gradualisht. Një e mirë që Among Us i ka sjellë komunitetit të gaming është se kompanitë e mëdha që kanë sjellë lojëra si Fortnite, Call Of Duty dhe Fall Guys po punojnë për të sjellë gjëra të reja për lojtarët e tyre duke i mbajtur ata të argëtuar.
