Minecraft mund të vijë në Steam?!

Minecraft është një prej lojërave më popullore në botë e cila vazhdon dhe rritet çdo ditë edhe më shumë. Por pavarësisht popullaritetit të madh që loja ka, ajo nuk është në Steam i cili është dyqani më i madh online për games prandaj lind pyetja: A do të vijë Minecraft në Steam?

Është çudi që Minecraft nuk është akoma në Steam duke marrë parasysh popullaritetin e madh që loja ka. Edhe pse loja është në pronësi të Microsoft, kjo nuk do të thotë që nuk do të jetë në Steam pasi kemi parë shumë lojëra nga Microsoft në Steam ku një ndër to është Halo.

Disa nga arsyet pse Minecraft mund të kalojë në Steam janë aksesimi që gamers kanë. Për të blerë Minecraft, ju duhet të vizitoni website e Minecraft ose Microsoft Store dhe duhet të përdorni një kartë krediti. Kurse Steam funksionon si dyqan por njëkohësisht edhe si launcher për të hapur lojën. Gjithashtu ju mund të blini në Steam duke përdorur Gift Cards, PayPal, kartë krediti ose një mik t’ua bëj dhuratë.

Gjithashtu edhe Steam Deck është një arsye më shumë duke iu ofruar mundësinë lojtarët që të kenë akses në Minecraft më lehtësisht.