Minecraft pati goxha update gjatë vitit 2021 duke zbuluar gjithashtu se një update i ri 1.19 do të vijë së shpejti. Por diçka të cilën nuk e prisnim prej Minecraft është bashkëpunimi i lojës me kompaninë e veshjeve, Puma.
Ndryshe nga lojërat e tjera goxha popullore si Fortnite të cilat kryejnë bashkëpunime dhe crossovers shpesh, Minecraft kryen goxha rrallë herë bashkëpunime ku një ndër bashkëpunimet e saj ka qenë me Sonic The Hedgehog. Dhe së fundmi llogaria e Minecraft në Twitter prezantoi një bashkëpunim me kompaninë gjermane të veshjeve, Puma.