Microsoft po blen Activision Blizzard për 70 miliardë $

Microsoft njihet për blerjet e saj të mëdha të platformave dhe zhvilluesëve të ndryshëm. Dhe së fundmi Microsoft po blen Activision Blizzard, kompaninë pas Call of Duty, World of Warcraft dhe Diablo.

Kjo është blerja më e madhe që Microsoft ka bërë pas blerjes së Linkedln në vitin 2016 për 26 miliardë dollarë. Microsoft shprehet se ky është investimi më i madh që ata po bëjnë në sektorin e gaming dhe synojnë që të renditen në vendin e tretë pas Tencent dhe Sony pasi ata të përfundojnë blerjen.

Gjithashtu pritet që lojërat e Activision Blizzard të bëhen pjesë e librarisë së madhe të Xbox Game Pass i cili së fundmi arriti 25 milion subscribers aktiv. Pjesë e Xbox Game Pass pritet që të bëhen Warcraft, Diablo, Overwatch, seria Call of Duty dhe shumë lojëra të tjera.

Blerja e Activision Blizzard vjen disa muaj pas problematikave të mëdha në kompaninë e Activision Blizzard. Korrikun e kaluar, Activision Blizzard u padit për problemet e tyre në kompani në lidhje me ngacmimet seksuale dhe sjelljen e pahijshme ndaj punonjësve.

Akoma Microsoft nuk ka dhënë detaje se si do ta zgjidhë këtë çështje pasi Bobby Kotick do të qëndrojë akoma CEO i kompanisë së Activision Blizzard.

Blerja e Activision Blizzard vjen një vit pas blerjes së ZeniMax Media dhe Bethesda për 7.5 miliardë dollarë. Pritet që shitja e Activision Blizzard tek Microsoft të mbyllet në vitin 2023.