Nxitoni të merrni Borderlands 3 falas në Epic Games Store

Pas një jave të gjatë pa ditur se çfarë loje falas do të vijë këtë javë falas në Epic Games Store, më në fund kemi një informacion. Loja që do të jetë falas për këtë javë është Borderlands 3.

Borderlands është një seri lojërash first-person shooter e krijuar nga Gearbox Software dhe publikuar nga 2K Games. Ngjarjet zhvillohen në planetin e Pandora i cili është i mbushur me minerale dhe thesare. Por ky planet është i mbushur me krijesa të ndryshme të rrezikshme dhe tashmë është detyra juaj të përballeni me to duke përdorur një arsenal goxha të larmishëm armësh.

Dhe Borderlands 3 nuk kishte si të ishte ndryshe. Por kësaj here ju do të përballeni kundër një kundërshtari të ri. Borderlands 3 risjellë në skenë personazhe të ndryshëm nga lojërat e kaluara dhe gjithashtu në të kësaj here do të gjeni mbi 1 miliardë armë të ndryshme. Gjithashtu ju mund të luani lojën co-op me një shokun tuaj.

Borderlands 3 do të jetë falas në Epic Games Store nga data 19 maj deri më 26 maj prandaj nxitoni ta merrni sa më shpejtë. Edhe kësaj here loja e ardhshme falas është një “mister”.