Një ‘leak’ i fundit sugjeron që mund të shohim më shumë nga zvarritësi i mureve në 2021-shin.
Një ‘leak’ i fundit sugjeron që mund të shohim më shumë nga zvarritësi i mureve në 2021-shin.
Një ‘leak’ ka dalë në sipërfaqe në Reddit i cili pretendon një vazhdim të Marvel’s Spider-Man që mund të dalë në “Holiday 2021”. Përdoruesi i Reddit v17447377 bëri postimin lidhur me videolojën, i cili pretendon të jetë nga një burim “afër Insomniac Games” që ka përmbajtjen e historisë dhe veçoritë të cilat priten të jenë pjesë e lojës, që “supozohet të dalë” në 2021.
Si me çdo ‘leak’, duhet të jemi disi skeptik me informacionet që na jepen, por sigurisht që na jep disa udhëzime interesante mbi vazhdimin e videolojës e cila ishte një sukses i vërtetë kur doli.
Sipas këtij informacioni, ribashkimi ynë me Peter Parker do të zhvillohet në një tjetër Manhattan ‘open-world’ që është zgjeruar që nga loja e parë për të përfshirë Queens dhe Brooklyn. Ky ‘leak’ gjithashtu pretendon se loja do të vendoset gjatë kohës së dimrit, si dhe postimi i reddit vazhdon më tej në detaje me veçoritë e tregimit; Oscorp thuhet se luan një rol të madh në vazhdim, me përmendje drejt klonimit dhe Universit Marvel jashtë rrjetës së Spider-Man.
Përdoruesi sugjeron gjithashtu që ndërsa Peter Parker do të mbetet si fokusi i tregimit, Miles Morales do të ketë po ashtu shumë seksione të dedikuara. Është interesante që parashtron edhe idenë se do të kemi sekuenca ‘gameplay’ si Diablo, të cilat do të jenë stil ‘dungeons crawlers’.
Postimi përfundon me pretendimin se Insomniac është duke bërë “punë madhore të ‘engine'” dhe “duke adoptuar më shumë përparime teknologjike” siç është fotogrametria. Nëse loja e dytë është në zhvillim e sipër, dritarja e datës së lëshimit ka të ngjarë ta vendosë atë në PS5 (konsola e ardhshme e gjeneratës së ardhshme Sony) e planifikuar për lëshim në fund të këtij viti.
Përsëri, ka pak prova për të mbështetur këtë ‘leak’ dhe ka çdo shans që këto janë një seri supozimesh të thjeshtuara. Arsyeja pse ne jemi duke e njoftuar atë është se përdoruesi Reddit në fjalë, kohët e fundit postoi një ‘leak’ që pretendoi se Remake-u (tashmë i konfirmuar) i Resident Evil 3 ishte në zhvillim përpara njoftimit zyrtar nga Capcom. Kjo nuk do të thotë se ky informacion është gjithashtu e vërtetë, por sugjeron që ‘leaks’-at nga ky person më parë kanë qëlluar të vërtetë.
Dhe, duke pasur parasysh suksesin e Spider-Man-it të parë në PS4, nuk është aq jorealiste të imagjinosh që një i dytë është në zhvillim. Thjesht do të duhet të presim për konfirmim zyrtar për të parë se sa i saktë është ky ‘leak’.