Mario Strikers: Battle League, loja më e fundit bazuar në serinë e Mario dhe e kombinuar me zhanrin e futbollit sapo ka ardhur pas një pritje goxha të gjatë. Edhe pse loja sjell një zhanër goxha popullor, lojërat sport të Mario vuajnë të gjitha nga të njëjtat probleme. Por a do të jenë e njëjta gjë edhe për Mario Strikers: Battle League? Le ta zbulojmë në këtë review nga GameON Albania.
Mario Strikers: Battle League sjell përballje futbolli 4 vs 4 ku secili ekip është i përbërë nga karaktere të ndryshme nga seria e Marios dhe më gjerë. Një nga elementët që vëmë re direkt është mungesa e zhbllokimeve të karaktereve teksa përparojmë në lojë duke na dhënë akses të plotë. Mesa duke kjo gjë do të vijë për karakteret e rinj që do të vijnë në lojë në të ardhme.
Secili karakter ka atribute e tij të veçanta të cilat e bëjnë çdo karakter të ndryshëm nga njëri tjetri. Për shembull Waluigi mund të jetë i shpejtë por nuk është shumë i mirë kur kryen gjuajtjen e tij speciale kurse Kong është goxha i mirë kur doni t’i merrni topin kundërshtarit tuaj.
Diçka që do t’iu ndihmojë shumë të personalizoni karakteret tuaj janë gears. Gears janë pajisje të cilat ia vendosni karakterit tuaj dhe që ndryshojnë atributet që ata kanë duke i bërë më të mirë në një aspekt. Por kjo do t’iu kërkojë të sakrifikoni disa nga atributet e tjera për të përmirësuar të tjerat.
Për shembull ju mund të përmirësoni pasimet dhe gjuajtjet por do të përkeqësoni përdorimin e gjuajtjes speciale ose sic njihet ndryshe si Hyper Strike etj.
Por duhet përmendur që numri i karaktereve që ndodhen tashmë në Mario Strikers: Battle League është goxha i vogël duke na sjellë një larmishmëri goxha të vogël teksa krijojmë ekipet. Shpesh herë mund të ndodh që të keni një ose dy karaktere të njëjta dhe të ngatërroni ekipin tuaj. Por na ndodhi që të kishim edhe komplet ekipin njësoj.
Stadiumet e Mario Strikers janë një pjesë kryesore e serisë, pasi ato janë të mrekullueshme nga ana estetike dhe gjithashtu jepnin efekte speciale. Por fatkeqësisht kësaj here lojtarët e Mario Strikers: Battle League do të kenë vetëm pjesën estetike dhe një limit prej 4-5 stadiumesh që lë shumë për të dëshiruar. Besojmë se më shumë do të vijnë në të ardhmen.
Diçka tjetër kryesore që loja ofron është Hyper Strike e cila është një gjuatje speciale për çdo karakter në lojë. Peach bën një gjuajte në formë zemre, Luigi krijon një tornado dhe më shumë. Për ta bërë këtë gjuajtje ju duhet të merrni një orb i cili bie në fushë dhe brenda 15-20 sekondash pasi e keni marrë ju keni mundësinë të ekzekutoni një Hyper Strike. Nëse shënoni ju do të merrni 2 pikë.
Të mos harrojmë edhe power-up të cilat do t’iu ndihmojnë goxha. Ju do të gjeni power-up që do të bëjnë knock kundërshtarin tuaj dhe shpesh herë edhe ju ose ekipin tuaj, do t’iu bëjnë të vraponi më shpejtë dhe më shumë.
Striker’s Club është një element i ri interesant që i lejuar lojtarët të krijojnë ekipin e tyre (përfshirë uniformat) dhe të bashkohen me deri në 19 anëtarë të tjerë për t’u përballur kundër klubeve/ekipeve të tjera në mbarë botën. Është një veçori e re goxha interesante dhe të themi të drejtën e frymëzuar goxha nga seria e FIFA por në një mënyrë më të thjeshtë.
Gjithashtu ju mund të merrni pjesë në disa prej kampionateve PvE të cilat do të testojnë aftësitë tuaja në pasim, gjuajte dhe më shumë. Ju do të fitoni goxha currency të cilat mund t’i përdorni për të përmirësuar gear tuaja.
Duhet të përmendim që përballjet online janë argëtuese por shpesh herë do të përballeni me lojtarë goxha të mirë ose goxha të dobët duke ua ulur pak kënaqësinë.
Të gjitha këto veçori të Mario Strikers: Battle League janë argëtuese, por shumë prej tyre gjithashtu bien ndesh drejtpërdrejt me futbollin që jemi mësuar të shohim zakonisht. Ju thjesht mund të merrni topin dhe ta pasoni, gjuani ose ziheni me kundërshtarin tuaj për të marrë topin përsëri. Dhe nëse keni mundësinë për Hyper Strike, ju nuk do të ndaloni dot duke e bërë spam.
Mario Strikers: Battle League është një lojë argëtuese për lojtarët të cilat i pëlqen futbolli arcade dhe që duan të argëtohen me karakteret e Mario. Edhe pse do të mërziteni shumë shpejt për shkak të mungesës së karaktereve dhe shumë gjërave të tjera, Mario Strikers: Battle League është argëtues për aq kohë sa e luani atë me miqtë tuaj.