Besoni apo jo, Grand Theft Auto Online po bën gati tetë vite, dhe vazhdon ende të jetë një nga lojrat më të pëlqyera. Përditësimet e rregullta të përmbajtjes ndihmojnë për ta mbajtur lojën në gjendje të mirë. Ka shumë më shumë për GTA sesa vetëm makinat këto ditë, por ndërtimi i një garazhi të mbushur me automjetet më të mira është padyshim ende një pjesë e madhe e tërheqjes për shumë lojtarë. Dhe nëse është një koleksion prestigjoz që ju po ndërtonii, me siguri shpejtësia do të jetë një faktor kryesor.
Duke pasur këtë në mendje, ne ju paraqesim një renditjej të pesë makinave më të shpejta në GTA Online.
I azhurnuar plotësisht, Ocelot Pariah është me siguri makina e vetme më e shpejtë në GTA Online. Megjithëse Rockstar nuk ka komentuar zyrtarisht rreth saj, mund të ketë një të dhënë. “Pariah” sigurisht ka konotacion negativ, por si tjetër do të prisnit që ky zhvillues famëkeq të shënonte një makinë që qëndron larg nga pjesa tjetër?
Frymëzuar nga modeli i Ferrari SF90 Stradale, makina sportive Grotti Itali RSX është më e shtrenjta në këtë listë. Megjithatë ia vlen si për nga stili, ashtu edhe për nga shpejtësia. Është një pretendent i fortë për titullin e makinës më të shpejtë në GTA Online: Ocelot Pariah e mposht atë me diferencën e vogël prej 0.7 mph.
Dy makinat kryesore në këtë listë janë të dyja automjete sportive, kështu që Pfister 811 ende mund të mburret me shpejtësinë e saj krahasuar për çdo automjet të klasit të super veturave në lojë. Frymëzimi i tij në botën reale është Porsche 918 Spyder, por përkundër kësaj origjine mbresëlënëse, nuk do të dëmtojë portofolin tuaj gati aq shumë sa Grotti Itali RSX i frymëzuar nga Ferrari.
Një tjetër super makinë, Principe Deveste Eight humbet ndaj Pfister 811 si më e shpejta në klasë për vetëm 0.75 mph. Është i bazuar në Devel Sixteen, një makinë e cila ende nuk është realizuar në jetën reale. Pra, nëse keni dashur ndonjëherë të ngisni një super makinë gjysmë mitike, marrja e një Principe Deveste Eight në GTA Online është shansi juaj më i mirë.
Supermakina e fundit në këtë listë është përsëri vetëm 0.75 mph pas konkurrentit së saj më të afërt. Bashkuar me faktin se është automjeti më ekonomik në këtë listë pasi mezi kushton gjysmë milioni dollarë, kjo është një zgjedhje e mirë për blerjen tuaj të parë nëse po kërkoni të bashkoni një koleksion të makinave më të shpejta në lojë.