Lançimi i Call of Duty: Modern Warfare 2 është vetëm disa muaj larg dhe shumë fansa mezi po e presin. Dhe një lajm i mirë ka ardhur për lojtarët që e kanë bërë pre-order Modern Warfare 2 pasi ata do të kenë mundësinë ta luajnë lojën 1 javë para se të lançohet për të tjerët.
Ky njoftim ka ardhur nga një trailer i shkurtër në kanalin zyrtar të Call of Duty në YouTube i cili ka ndarë disa momente nga mode campaign single-player i Modern Warfare 2. Në të mund të shohim operator të ndryshme më momente të ndryshme nga historia kryesore e lojës duke nisur nga qytetet metropolitane të natës dhe deri tek disa fshatra.
Ky trailer gjithashtu informon shikuesit e tij se të gjithë ata që e bëjnë pre-order Call of Duty: Modern Warfare 2 në mënyrë dixhitale do të kenë mundësinë të luajnë single-player campaign e lojës 1 javë para.
Sa kushton Modern Warfare 2?
Versioni normal i Modern Warfare 2 në Steam pre-order kushton deri më tani 69.99 dollarë amerikanë . Kurse versioni Vault Edition i cili do të përfshirë shumë gjëra ekstra si cosmetics, battle pass, 50 tiers skips dhe më shumë do të kushtojë 99.99 dollarë amerikanë.
Gjithashtu mos harroni se një fazë beta për Call of Duty: Modern Warfare 2 do të vijë së shpejti. Faza beta nis më 16 shtator për lojtarët e PlayStation dhe më 22 shtator për PC dhe Xbox.
Activision ka premtuar për Modern Warfare 2 “një përvojë të fortë multiplayer që shkon përtej përvojës Core 6v6 me një sërë hartash të dizajnuara me përpikëri të madhësive të ndryshme dhe një grup po aq mbresëlënës Modalitetesh, përvojash progresioni dhe aspekte të tjera”.
Më shumë informacion mbi Call of Duty: Modern Warfare 2 beta do të zbulohen gjatë ekspozitës Call of Duty: Next, e cila gjithashtu do të shfaqë një zbulim të plotë të Modern Warfare 2 multiplayer dhe përditësime në Call of Duty: Warzone. Kjo është caktuar të ndodhë më 15 shtator.