DOTA 2 (Defense of the Ancients 2) ka afërsisht 8 vjet në botën e lojërave, dhe brenda kësaj kohe është bërë një ndër lojërat më të suksesshme dhe më të ndjekura. Përkundër suksesit të madh që loja ka parë, një fushë shqetësuese sipas lojtarëve është në tutorialin e saj.
Loja vazhdon të tërheqë lojtarë të rinj brenda vetes, por komuniteti mendon se
tutoriali duhet të ndihmojë më shumë pasi është i pamjaftueshëm, dhe lojtarët e rinj bëjnë akoma shumë gabime gjatë lojës.
Lojtarët kanë nisur të tallen me këtë situatë edhe në Reddit pasi loja ka pothuajse 8 vjet
në treg dhe sa vjen e po ndryshon, por tutoriali është akoma me elemente të vjetra.
Shembulli më i thjeshtë që mund të tregohet është se në tutorial ka një objektiv që “duhet gjetur një STOUT SHIELD”, mirëpo STOUT SHIELD është hequr nga loja vetëm 3 javë pasi tutoriali është bërë. Detaje te tjera si kjo kanë detyruar anëtarë nga komuniteti të mbledhin në IndieGogo 25,000$ (deri tani) për të bëre një tutorial të ri për lojën.
Arsyeja e nxitimit është sepse në datën 25 mars, do të dalë animacioni i DOTA 2 në Netflix dhe komuniteti mendon se do të ketë një ngritje të lartë të numrit të lojtarëve, siç ndodhi me lojën The Witcher 3 pasi doli seriali The Witcher në Netflix.
Tutoriali ka për qëllim tu mësojë lojtarëve bazat e lojës, si të lëvizin, si të sulmojnë, si të komunikojnë me shokët e skuadrës dhe strategjitë thelbësore të MOBA (Muliplayer Online Battle Arena), kështu që mund të pakësohen lojtarët toksikë.
Një vit i rëndësishëm për DOTA 2 me shtimin e një anime, dhe shumë njerëz shpresojnë kthimin e The International si një ngjarje live, për miliona lojtarë dhe fansa që e ndjekin DOTA 2 për një kohë kaq të gjatë, një update i tutorial-it nuk duhet të jetë aq i vështirë.