Lojtarët e Apex Legends kërkojnë një rework të Arena Ranked

Apex Legends është duke u rritur dita ditës me lojtarë të rinj që po shtohen çdo ditë. Kjo ka bërë që edhe Apex të shtojë veçori të reja herë pas herë dhe një prej tyre është edhe Arena e shtuar para disa kohësh. Por lojtarët e këtij game mode kërkojnë ndryshime të menjëhershme të Arena Ranked.

Game mode i Arena u prezantua për herë të parë gjatë Season 9 të Apex Legends dhe si pothuajse çdo game mode tjetër edhe Arena ka një sistem matchmaking.

Ky sistem bën që lojtarët të të njëjtit rank dhe nivel të luajnë së bashku. Por mesa duket kjo gjë nuk po ndodh duke i detyruar lojtarët të kërkojnë një rework serioz të këtij game mode.

Kjo vjen pasi shumë lojtarë në fakt shumicën e kohës nuk luajnë me lojtarë që janë në të njëjtin nivel dhe rank duke iu dhënë atyre një disavantazh të madh. Dhe kjo është provuar nga një lojtarë i Apex Legends i cili ka postuar një video ku shfaq një ndër problemet kryesore të Arena Ranked.

Fatkeqësisht kjo nuk është hera e parë që Apex Legends ka probleme të këtij lloji. Disa kohë më përpara dhe në fillimet e lojës Apex Legends ka patur probleme të këtij lloji të cilat u zgjidhën por filluan të shfaqeshin prapë gjatë Season 8.

Shpresojmë që EA dhe Respawn të sjellin një zgjidhje për këtë problem të madh që lojtarët e Apex Legends kanë i cili sjell goxha rreziqe për lojën.