Javën e kaluar, Ubisoft zbuloi pak rreth The Division: Heartland, e cila është loja e parë që botuesi ka quajtur si “Ubisoft Original”. Me sa duket, ky do të jetë një term i ri i markës i përdorur nga botuesi për titujt e ardhshëm që janë zhvilluar nga vetë kompania.
Siç theson edhe Eurogamer, Ubisoft publikon ekskluzivisht lojëra të krijuara nga zhvilluesit e saj, kështu që është paksa e paqartë pse po bëhet dallimi. Është e mundur që kompania mund të zgjerohet për të publikuar lojëra nga studiot e jashtme, por të gjitha këto janë vetëm spekulime derisa të shpallet diçka konkrete. Gjithsesi kjo mbetet akoma diçka shumë e pazakontë për botuesin!
“Kemi vendosur të bëjmë një hap përpara ‘Ubisoft Origjinal’ është e bashkangjitur në të gjitha lojërat e Ubisoft të krijuara nga zhvilluesit tanë të talentuar,” tha një përfaqësues i Ubisoft për Eurogamer.
Ubisoft është një nga botuesit më të mëdhenj të video lojërave në botë, falë ekskluziviteteve të tilla si Assassin’s Creed, Rabbids dhe Rainbow Six. Duke pasur parasysh madhësinë e kompanisë, nuk do të ishte për t’u habitur nëse ajo boton përmbajtje të jashtme.
Shumë botues e bëjnë këtë dhe kjo mund të ndihmojë që emri i kompanisë të rritet edhe më shumë, ndërkohë që ofron mbështetje edhe për zhvilluesit më të vegjël. Duke krijuar një markë të re, kjo do të ndihmonte fansat e botuesit të dallojnë se cilat lojëra janë krijuar nga talentet e brendshme.
Sigurisht, është e mundur që “Ubisoft Originals” të jetë vetëm një rebrand për kompaninë për të tregtuar IP-të e saj ekzistuese dhe asgjë më shumë. Shumë kompani tentojnë të bëjnë ndryshime më të vogla të markës në një përpjekje për të tregtuar më mirë lojërat ose shërbimet e tyre. Sidoqoftë, do të jetë interesante të shihet nëse ky është apo jo fillimi i diçkaje më të madhe. Shpresojmë, fansat do të kenë një ide më të mirë së shpejti.