Një lojë nuk përkufizohet vetëm nga grafikat dhe këtë gjë industria e gaming e ka provuar shumë gjatë kohëve të fundit. Prandaj, GameON po iu sjell një listë me lojë për kopmpjutera loë-specs ose të quajtur ndryshe PC koti.
Among Us
Among Us është një prej lojërave të vitit të kaluar e cila u bë e famshme në pothuajse të gjithë botën dhe fitoi një popullaritet shumë të madh. Në Among Us lojtarët duhet të plotësojnë detyra të ndryshme sa më shpejtë përpara se vrasësi i fshehtë t’i vrasë ose të gjeni vrasësin.
Minecraft
Minecraft është gjithashtu një ndër lojërat më popullore në botë e cila ka çdo muaj miliona lojtarë aktiv. Minecraft iu ofron dy mode: Sandbox ose Surival. Në Sandbox ju mund të ndërtoni çdo gjë sipas dëshirës suaj kurse në Survival duhet të mbijetoni, të mblidhni resurse dhe sigurisht të eksploroni vendet e ndryshme dhe të mrekullueshme që Minecraft ofron. Gjithashtu ju mund të gjeni më shumë mode në servera të ndryshëm online ku GameON Albania ka serverin e saj të Minecraft.
Poly Bridge
Poly Bridge është një prej lojërave të cilat kanë për të testuar durimin dhe aftësitë tuaja në ndërtimin e urave. Poly Bridge sjell ndërtimin realistik të urave në situata të ndryshme duke përdorur mekanika të thjeshta dhe tepër argëtuese.
World of Warcraft
E lançuar gjatë vitit 2004, World of Warcraft është një ndër lojërat e cila edhe sot e kësaj dite ka një numër goxha të lartë lojtarësh dhe mund të luhet në shumë prej PC low-specs të kohëve të sotshme. Loja në fjalë është pjesë e zhanrit MMO ku ju bashkë me lojtarë të tjerë mund të eksploroni vende të ndryshme të botës së World of Warcraft dhe të kryeni quests të cilat do t’iu japin shpërblime të ndryshme.
Untitled Goose Game
Titulli i lojës mund t’iu duket i cuditshëm dhe duhet të themi që në të vërtetë edhe vetë loja është e çuditshme. Në këtë lojë ju do të luani si një patë dhe qëllimi juaj kryesor është që t’i prishni punë njerëzve që keni rreth e rrotull.
Cuphead
Një ndër lojërat indie të cilat duhet ta luani është Cuphead. E frymëzuar nga një prej shoë të Disney, Cuphead iu sfidon në nivele të ndryshme vështirësie me animacion dhe grafika tepër interesante.
Portal
Seria e lojërave Portal është një prej lojërave më të pëlqyera puzzle e cila gjithashtu sjell edhe një histori sci-fi nëpërmjet një portal gun. Gjithçka që duhet të bëni është që të përdorni portal gun i cili hap 2 portale të ndryshme për të zgjidhur puzzle, të kaloni në nivelin tjetër dhe të zbuloni më shumë rreth vetes dhe historisë së lojës.
Assassin’s Creed
Hyni në botën e Assassin’s Creed ku do t’iu duhet të vrisni persona të ndryshëm si një vrasës i një shoqërie sekrete. Eksploroni vendet e ndryshme që Assassin’s Creed iu ofron dhe përballuni me mistere nga më të ndryshmet gjatë rrugëtimit tuaj.