Nëse jeni fans i lojërave retro falas, atëherë Krishtlindjet kanë ardhur herët. Faqja e njohur e lojërave GOG po shpërndan “I Have No Mouth And I Must Scream” falas deri më 25 dhjetor. Kështu që nxitoni ta merrni këtë dhuratë.
Përshtatur nga një histori e shkurtër e shkruar nga autori i mirënjohur Harlan Ellison, loja është një udhëtim shqetësues në qendër të planetit, ku të mbijetuarit e fundit të njerëzimit janë burgosur dhe mbajtur gjallë për më shumë se një shekull nga superkompjuteri sadist AM.
Secili nga pesë personazhet e lojës kanë sekretet e tyre të errëta që do t’ju duhet t’i zbuloni. Ka shumë mistere për të zgjidhur në këtë lojë të vitit 1995, dhe nëse nuk arrin të arratisesh nga strofulla e AM, do të zbulosh me detaje të tmerrshme pse loja ka një titull kaq të çuditshëm.
Vetë loja është ndoshta përvoja më pak e ngjashme me Krishtlindjen që mund të keni, një përrallë dëshpëruese mbijetese ku do t’ju duhet rregullisht të bëni zgjedhje të tmerrshme morale ndërsa përpiqeni t’i shmangni kthetrat e kompjuterit të AM. Nëse do të preferonit përmbajtje më pak shqetësuese në listën tuaj të lojërave, mund të shikoni edhe Epic Games, i cili shpërndan një lojë falas çdo ditë.