Lojërat e Spider-Man dhe Miles Morales do të vijnë në PC

Gjatë State of Play që u zhvillua së fundmi, PlayStation prezantoi goxha lojëra të reja por ajo që zuri goxha vëmendje ishte Marvel’s Spider-Man Remastered. Dhe pjesa më e bukur ishte fakti që do të vinte bashkë me Miles Morales në PC.

Loja do të vijë si port i Nixxes Software dhe versioni për PC do të sjellë goxha gjëra me vete si add-on The City That Never Sleeps. Insomniac dhe Nixxes gjithashtu pritet të sjellin edhe Marvel’s Spider-Man: Miles Morales së shpejti në PC gjatë vjeshtës së këtij viti.

Të dyja lojërat do të kenë controller support dhe gjithashtu ju mund ta luani lojën edhe me keyboard dhe mouse, sipas informacioneve që Insomniac na dha në një PlayStation Blog. Versioni i PC do të sjellë veçori të ndryshme si render settings që mund të ndryshohet sipas preferencës dhe ray-trayced reflections në të dyja lojërat.

Marvel’s Spider-Man Remastered do të vijë për PC në 12 gusht 2022 kurse Marvel’s Spider-Man: Miles Morales do të vijë gjatë vjeshtës së këtij viti.