Teksa vitit 2021 po i afrohet fundit, një sërë lojërash të shumëpritura po përgatiten të dalin në treg, me qëllim që të ndriçojnë sezonin e festave në muajin e fundit të vitit. Nga titujt më të mëdhenj si Halo Infinite deri tek përvojat e lezetshme indie, ka diçka për të gjithë për të plotësuar dëshirën e tyre për një lojë të re në dhjetor.
Në muajin nëntor u publikuan Forza Horizon 5, Battlefield 2042, Call of Duty: Vanguard, Shin Megami Tensei V dhe më shumë. Edhe pse dhjetori zbehet në krahasim për sa i përket numrit të publikimeve të mëdha, ai mund ta kompensojë atë me cilësi.
Top 5 lojërat e shumëpritura që do të dalin në dhjetor 2021
- Halo Infinite
- Icarus
- White Shadows
- The Gunk
- Solar Ash
5) Solar Ash
Platforma: PlayStation 4, PlayStation 5, PC (Epic Games Store)
Data e publikimit: 2 dhjetor 2021
I ardhur nga Heart Machine, krijuesit e klasikut Hyper Light Drifter, dhe i botuar nga Annapurna Interactive, Solar Ash është më shumë një lojë aksion-aventure 3D, në kontrast me estetikën e pikselave 2D të Hyper Light Drifter.
4) The Gunk
Platforma: Xbox Series X|S, Xbox One, PC (Microsoft Store and Xbox Game Pass)
Data e publikimit: 16 dhjetor 2021
Kjo lojë third-person story-driven nga zhvilluesi Image & Form dhe botuesi Thunderful Games është vendosur në një botë të gjerë dhe ekzotike ku gunk misterioz i zi ka pushtuar natyrën e planetit të harruar. Dy personazhet kryesore të lojës, Rani dhe Becks, do të zgjidhin enigma dhe do të mundin armiqtë e tmerrshëm për të rivendosur harmoninë e natyrës.
3) White Shadows
Platforma: PS5, Xbox Series X, PC (Steam)
Data e publikimit: 7 dhjetor 2021
Zhvilluar nga Headup Games dhe botuar nga Thunderful Publishing, White Shadows është një platformë enigmash e vendosur në një botë të çuditshme, e përbërë nga elemente steampunk fantastiko-shkencore dhe të epokës industriale, dhe e paraqitur në një skemë ngjyrash bardh e zi.
2) Icarus
Platforma: PC (Steam)
Data e publikimit: 4 dhjetor 2021
Dean Hall me Rocketwerkz, qëndron prapa Icarus, i cili është një pamje e re në zhanrin e crafting survival. Kjo lojë session-based PvE do të ketë bashkëpunim me deri në tetë lojtarë, të cilët do të hidhen në një shkretëtirë aliene plot me kërcënime nga atmosfera e saj.
1) Halo Infinite
Platforma: Xbox Series X|S, Xbox One, PC (Steam, Microsoft Store, Xbox Game Pass)
Data e publikimit: 8 dhjetor 2021
Që nga shpallja tre vjet më parë, Halo Infinite ka qenë një nga titujt më të pritur të epokës së fundit. Seriali legjendar po rikthehet me Master Chief si protagonist. Lojtarët do të “hyjnë brenda armaturës së heroit më të madh të njerëzimit për të përjetuar një aventurë epike dhe për të eksploruar shkallën masive të Halo Ring”. Loja multiplayer falas e Halo Infinite u lançua më 15 nëntor dhe gameplay i tij kryesor ka marrë lavdërime universale.