Dy ndër lojërat më të famshme të Valve, Portal dhe Portal 2 më në fund do të vijnë në platformën Nintendo Switch sipas njoftimit të kryer gjatë Nintendo Direct.
Portal dhe Portal 2 janë dy lojëra të zhanrit puzzle të lançuara nga Valve në vitin 2007 dhe 2011. Dhe ardhja e tyre në Nintendo Switch është një surprizë e madhe duke marrë parasysh lançimin e Steam Deck para disa ditësh.
Të dyja lojërat Portal do të vijnë së bashku si bundle me emrin Portal: Companion Collection. Portal 2 ofron edhe mode multiplayer të cilat mund t’i luani local, online dhe split screen. Një datë lançimi e saktë nuk është zbuluar akoma por çmimi i bundle do të jetë afërsisht 20 dollarë.
Të dyja lojërat Portal dhe Portal 2 njihen për popullaritetin e tyre dhe mënyrën e veçantë që kanë në zhanrin puzzle. Përveç gameplay, edhe historia e Portal është e realizuar shumë bukur. Shpesh herë do ta gjeni veten edhe në situata goxha gazmore.