Outlast është një serive të lojërave më të preferuara horror e cila solli shumë ndryshime në këtë zhanër. Dhe së fundmi kjo seri ka sjellë një trailer të ri për lojën e tyre më të fundit e cila quhet The Outlast Trials.
Trailer në fjalë na tregon lojtarët të cilët përballen me sfida dhe eksperimente të ndryshme teksa ndiqen nga përbindësha gjatë lojës. Trailer në pamje të parë ngjan me ato të filmave SAW duke na treguar sfidat e ndryshme dhe dhomat e tmerrshme në të.
Ndryshe nga lojërat e mëparshme, kësaj here nuk shohim vetëm një ose dy antagonist por do të kemi goxha prej tyre. Dhe secili prej tyre është i veçantë në mënyrën e tyre nga ana vizuale. Gjithashtu kësaj here gjatë lojës do t’iu shoqëroj një narrator i cili supozon se ka për qëllim të ndihmojë protagonistët.
Për sa i përket historisë, dimë që loja zhvillohet gjatë periudhës së Cold War. Lojtarët janë kapur nga Murkoff Corporation dhe po përdoren për eksperimente në një laborator sekret. Aty ata do të jenë të detyruar që të bëhen pjesë e eksperimenteve mendore dhe fizike ku shumica e tyre nuk kanë një fund të mirë.
Dhe më e rëndësishmja është se ju mund të luani solo ose me miqtë tuaj deri në 4 veta. Deri më tani nuk kemi akoma një datë zyrtare por pritet që loja të lançohet gjatë vitit 2022.